Pawan Kalyan : సోషల్ మీడియా ని ఊపేస్తున్న పవన్ కళ్యాణ్ ‘హనుమాన్’ వీడియో..స్పందించిన డైరెక్టర్ ప్రశాంత్ వర్మ!
Pawan Kalyan Hanuman Viral Video
Pawan Kalyan Hanuman Viral Video : నిన్నటి నుండి సోషల్ మీడియా లో హనుమాన్ మూవీ కి సంబంధించిన ఒక వీడియో తెగ వైరల్ గా మారింది. ఒక పవన్ కళ్యాణ్ వీరాభిమాని, హనుమాన్ సినిమాలోని ఒక వీడియో సాంగ్ తో పవన్ కళ్యాణ్ ఫోటోలను, ఆ సినిమాలోని సన్నివేశాలను కొన్ని జోడించి వీడియో ఎడిట్ చేసాడు. ఈ వీడియో అభిమానులకు తెగ నచ్చేసింది. విపరీతంగా వైరల్ అవ్వడం తో డైరెక్టర్ ప్రశాంత్ వర్మ వరకు ఆ వీడియో చేరింది.
దీనిని చూసిన ప్రశాంత్ వర్మ అద్భుతంగా ఉంది అంటూ కామెంట్ చెయ్యడం తో పవన్ కళ్యాణ్ ఫ్యాన్స్ సంబరపడ్డారు. అలాగే ఆయన పోస్టు క్రింద కామెంట్స్ లో పవన్ కళ్యాణ్ తో ఒక సినిమా చేయమంటూ డైరెక్టర్ ప్రశాంత్ వర్మ ని కోరుతున్నారు ఫ్యాన్స్. పవన్ కళ్యాణ్ కోసం ప్రశాంత్ వర్మ ఒక పవర్ ఫుల్ స్క్రిప్ట్ ని సిద్ధం చేసి చాలా కాలమే అయ్యింది. కానీ ఇప్పటి వరకు పవన్ కళ్యాణ్ ని ఆయన కలవలేదు.
ఇక ‘హనుమాన్’ చిత్రం వసూళ్ల విషయానికి వస్తే నిన్న కూడా ఈ చిత్రానికి ట్రేడ్ ఆశ్చర్యపోయే రేంజ్ వసూళ్లను రాబట్టింది. ఉదాహరణకి కేవలం నైజాం ప్రాంతం నుండే నిన్న ఈ చిత్రానికి కోటి 55 లక్షల రూపాయిల షేర్ వసూళ్లు వచ్చాయి. ఇది మొదటి రోజు వసూళ్ల కంటే ఎక్కువ. నిన్నటి తో ఈ చిత్రం నైజాం ప్రాంతం లో 30 కోట్ల రూపాయిల షేర్ మార్క్ ని దాటేసింది. ఇప్పటి వరకు ఈ ప్రాంతం లో కొంతమంది స్టార్ హీరోలకు 30 కోట్ల రూపాయిల షేర్ మార్కు లేకపోవడం విశేషం. వాళ్ళకంటే ముందుగా హనుమాన్ చిత్రం ఆ మార్కుని అందుకోవడం చర్చనీయాంశం అయ్యింది. నిన్నటి వరకు ఈ చిత్రానికి ప్రపంచవ్యాప్తంగా 135 కోట్ల రూపాయిల షేర్ వసూళ్లు వచ్చాయి.
ఫుల్ రన్ లో కచ్చితంగా 150 కోట్ల రూపాయిల షేర్ మార్క్ ని అందుకుంటుందని ట్రేడ్ పండితులు అంచనా వేస్తున్నారు. ఇకపోతే ఈ సినిమాకి సంబంధించిన సీక్వెల్ ‘జై హనుమాన్’ షూటింగ్ అతి త్వరలోనే ప్రారంభం కానుంది. జనవరి 22 వ తారీఖున ఈ సినిమాకి సంబంధించిన ప్రీ ప్రొడక్షన్ వర్క్ ని ప్రారంభించాడు డైరెక్టర్ ప్రశాంత వర్మ. ఈ ‘జై హనుమాన్’ చిత్రం హనుమాన్ పాత్రనే కథానాయక పాత్ర అని ప్రశాంత్ వర్మ అధికారికంగా ప్రకటించాడు.
anjani putra Janasenani PawanKalyan ❤️🧎🏻#Hanuman @JanaSenaParty @PawanKalyan pic.twitter.com/2XcmXtlfnT
— 𝗕UNNY𝗦™ (@bunnysangitha) January 28, 2024