Samantha
Heroine Samantha : ఇండస్ట్రీలో స్టార్ హీరోయిన్ గా మంచి సక్సెస్ దక్కించుకున్న నటీమణుల్లో సమంత ఒకరు. దాదాపు పుష్కర కాలం సినీ ఇండస్ట్రీలో స్టార్ హీరోయిన్ గా సక్సెస్ సాధించి, అనారోగ్యం కారణంగా కొంత కొంత కాలం విరామం ప్రకటించారు. వయోసైటిస్ కు గురైన ఆమె చికిత్స కోసం దేశ విదేశాలకు తిరుగుతోంది. చికిత్స తీసుకుంటూనే మానసిక ప్రశాంతత కోసం జగ్గీరావు లాంటి వారి ఆశ్రమాలకు కూడా వెళ్తోంది.
సినిమాలకు దూరంగా ఉంటున్నా.. తన అభిమానులకు మాత్రం ఎప్పుడూ దగ్గరగానే ఉండేందుకు ప్రయత్నిస్తుంది సమంత. అందుకే సోషల్ మీడియాలో యాక్టివ్ గా ఉంటుంది. తను తిరుగుతున్న ప్రదేశాలు, వెళ్తున్న ఆశ్రమాలకు సంబంధించి ఫొటోలను ఇన్ స్టా, ట్విటర్ ద్వారా షేర్ చేస్తూ అభిమానులకు ఆనందాన్ని పంచుతుంది. ఇటీవల ఆమె కాస్త కుదుట పడిందని తెలుస్తోంది.
దీంతో ఇండస్ట్రీలోకి రీ ఎంట్రీ ఇస్తుందని వార్తలు వినిపిస్తున్నాయి. ఆమె పెద్ద ఎత్తున వర్కవుట్ చేస్తూ సినిమాల్లో కనిపించేందుకు సిద్ధం అవుతున్నట్లు తెలుస్తోంది. సమంత చివరగా రాజ్ అండ్ డీకే డైరెక్షన్ లో వచ్చిన వరుణ్ ధావన్ హీరోగా నటించిన సిటాడేల్ వెబ్ సిరీస్ లో కనిపించింది.
ఈ వెబ్ సిరీస్ కు షూటింగ్ పూర్తి చేసుకున్నా కొన్ని పనులు పెండింగ్ లో ఉన్నాయి. సమంత కాస్త కోలుకోవడంతో ఈ సిరీస్ పనుల్లో బిజీ అయినట్లు ఫొటోలు బయటకు వచ్చాయి. ఆమె కొత్త ప్రాజెక్టులకు కమిట్ అవ్వకపోయినా లాస్ట్ వెబ్ సిరీస్ అయిన సిటాడెల్ కు సంబంధించి డబ్బింగ్ పనులు పూర్తి చేశారు. దీనికి సంబంధించి ఫొటోలను షేర్ చేస్తూ ‘22 నెలల తర్వాత’ అంటూ క్యాప్షన్ పెట్టారు. ఇలా దాదాపు రెండేళ్ల తర్వాత డబ్బింగ్ చెప్పడంతో సమంత ఆరోగ్యం బాగైందని అందుకే సినిమాలపై ఫోకస్ పెట్టిందని అభిమానులు సంతోషం వ్యక్తం చేస్తున్నారు.