Mammootty with Friends
Mammootty : జన్యు ప్రభావమో.. లేక నిత్య యోగా, లేదా వ్యాయామం కావచ్చు కొందరి వయస్సు అస్సులు కనిపించదు. 70 ఏళ్లు పడిలోకూడా20 ఏళ్లు ఉన్న వ్యక్తిగా కనిపిస్తారు. వారిని చూస్తే ఆశ్చర్యం వేస్తుంది. అయితే ఎక్కువగా యువతులు మేకప్ ను వాడుతారు కాబట్టి వారి ఏజ్ గుర్తించడం కొంచెం కష్టం. కానీ మగవారిలో అలాకాదు. ఎక్కువ మేకప్ ఉండదు కాబట్టి తొందరగానే ఏజ్ ను గుర్తించవచ్చు.
కానీ ఇక్కడ మమ్ముట్టి ఏజ్ గుర్తించడం చాలా కష్టంగా మారింది. ఈ పిక్ లో మమ్ముట్టిని చూసిన వారు గ్రూపులోకి ఎవరికో కొడుకు కావచ్చన్న అనుమానం కలుగుతుంది. కానీ వారంతా ఆయనతో చదువుకున్న స్నేహితులు. సమ వయస్కులు.
ఎర్నాకుళం మహారాజా కాలేజీలో నటుడు మమ్ముట్టి తన మాజీ క్లాస్ మేట్స్ తో రీయూనియన్ లో పాల్గొన్నాడు. వారితో సందడిగా గడిపిన ఫొటోలను తన సోషల్ మీడియాలో ఖాతాల్లో షేర్ చేశాడు. ఇప్పుడు అవి వైరల్ గా మారాయి. ఇది పాత ఫొటోనే అయినా హఠాత్తుగా ఇప్పుడు సోషల్ మీడియాలో వైరల్ అవుతోంది.
ఫ్యాషన్ పోకడలకు అనుగుణంగా ఉండేందుకు ఇష్టపడే ఈ 72 ఏళ్ల నటుడు తన కాలాతీత, యవ్వన రూపంతో నిరంతరం ప్రశంసలు పొందుతాడు. ఈ ఫొటోలో కూడా మమ్ముట్టి వయసు 72 అంటే నమ్మడం కష్టం.
మమ్ముట్టి తన బ్యాచ్ మేట్స్ తో కలిసి కనిపించాడు. 1972 మహారాజా కళాశాలలో గ్రాడ్యుయేషన్ పూర్తి చేసిన ఆయన ఆ తర్వాత ఎర్నాకుళంలోని ప్రభుత్వ న్యాయ కళాశాలలో ఎల్ఎల్‌బీ పట్టా పొందారు. ఆయనను చూస్తే వయస్సు ఒక సంఖ్య మాత్రమే అనిపిస్తుంది.