Manchu Lakshmi
Manchu Lakshmi : తండ్రి వారసత్వంతో టాలీవుడ్ లోకి ఎంట్రీ ఇచ్చిన మంచు లక్ష్మి తన ప్రతిభతో ఆల్ రౌండర్ గా నిరూపించుకున్నారు. హోస్ట్ గా, ప్రొడ్యూసర్ గా, విలన్ గా , క్యారెక్టర్ ఆర్టిస్టుగా ప్రూవ్ చేసుకున్నారు. కెరీర్ లో ఎన్నో ఎత్తు పల్లాలను చవిచూసిన మంచు లక్ష్మి పలు సేవా కార్యక్రమాలు కూడా చేస్తుంటారు. ఏటా పలు స్కూళ్లను దత్తత తీసుకొని వాటిని అభివృద్ధి చేస్తూ తనలోని ఉదార స్వభావాన్ని చాటుకుంటున్నారు.
ప్రస్తుతం వెబ్ సిరీస్ ల వైపు అడుగులు వేయాలని మంచు లక్ష్మీ సీరియస్ గా ఆలోచిస్తున్నదట. దీని కోసం హిందీ వెబ్ సిరీస్ లు చేయాలనే ఆలోచనతో ముంబైలో మకాం వేసిందని టాక్. ప్రఖ్యాత డిస్నీ ప్లస్ హాట్ స్టార్ తదుపరి ప్రాజెక్టులలో మంచు లక్ష్మీ చేసే అవకాశాలు ఉన్నట్లు తెలుస్తున్నది.
టాలీవుడ్ లోని స్టార్ కిడ్స్ తో ఎంతో స్నేహంగా ఉంటుంది మంచు లక్ష్మి. ప్రభాస్ నుంచి రామ్ చరణ్ వరకు అందరితోనూ చనువుగా ఉంటుంది. ఇక హీరోయిన్లతో చెలిమి గురించి అయితే ప్రత్యేకంగా చెప్పక్కర్లేదు. రకుల్ ప్రీత్ సింగ్, తాప్సీతో తరచూ పార్టీలు, పలు టూర్లు వేస్తుంటుంది లక్ష్మి. లక్ష్మీ మంచు ఇటీవల ప్రముఖ హోస్ట్ సిద్ధార్థ్ క‌న్నన్ తో మాట్లాడుతూ టాలీవుడ్ స్టార్ హీరోల సీక్రెట్స్ బయట పెట్టేసింది. ఇందులో రామ్ చరణ్, రానా దగ్గుబాటి, అల్లు అర్జున్‌ తో పాటు దాదాపు 142 మంది నటీనటులతో వాట్సాప్ గ్రూప్‌లో తాను కూడా ఉన్నానని చెప్పుకొచ్చింది.
రామ్ చరణ్, రానా లతో తన స్నేహం కారణంగా తాను ముంబైకి వచ్చానని చెప్పింది లక్ష్మీ. నా బెస్ట్ ఫ్రెండ్ రకుల్ ప్రీత్ సింగ్ ఇంట్లో ఉండేదానిని. ముంబైకి రావాలని తను ఎప్పుడూ పట్టుబట్టేదని చెప్పింది. తాను రానా (దగ్గుబాటి)తో చాలా సార్లు చాటింగ్ చేశానని, హైదరాబాద్‌లో ఎప్పుడూ ఉండలేనని చెప్పాడని వెల్లడించింది. ముంబైలో తాను రామ్ చరణ్ ఇంట్లోనే ఉన్నానని, ఈ విషయం ఎవరికీ చెప్పలేదని వెల్లడించింది. ఈ విషయం రామ్ చరణ్ కు కూడా చెప్పానంది.
మంచు లక్ష్మీ ఇండియాకు రాకముందు హాలీవుడ్ ఇండస్ర్టీలో పని చేశారు. 2011లో టాలీవుడ్‌లోకి అడుగుపెట్టారు. అన‌గ‌న‌గా ఒక ధీరుడు సినిమాలో విలన్ చేసి మెప్పించింది. గుండెల్లో గోదారి, W/O రామ్ వంటి చిత్రాల్లో నటించారు. 2022లో మోహన్‌లాల్ కలిసి తొలిసారి మలయాళ చిత్రసీమలోకి అడుగుపెట్టారు. ఇటీవల డిస్నీ ప్లస్ హాట్‌స్టార్ వెబ్ సిరీస్ `యక్షిణి`లో కీరోల్ చేసింది లక్ష్మి.