Star director SV Krishna Reddy
Star director Comments : టాలీవుడ్ లో పూర్తి స్థాయిలో కుటుంబ కథా చిత్రాలతో అలరించిన దర్శకుడు ఎస్వీ కృష్ణారెడ్డి. తన సినిమాల్లో ఏ మాత్రం అసభ్యతకు తావివ్వకుండా ఫ్యామిలీ ఎంటర్ టైనర్లతో బ్లాక్ బస్టర్ హిట్లు కొట్టాడు. ఆలీని హీరోగా పెట్టి తీసిన ఇండస్ట్రీ రికార్డులు బద్దలు కొట్టింది. అటు సోషియో ఫాంటసీ, ఇటు సైన్స్ అండ్ టెక్నాలజీ కలబోతగా పాతికేళ్ల క్రితమే ఘటోత్కచుడు సినిమా చేశాడు. ఇప్పుడు చూస్తున్న రోబోలను 25 ఏళ్ల క్రితమే తెలుగు తెర మీద చూపించాడు ఎస్వీ కృష్ణారెడ్డి. మాస్ సినిమాలు చేస్తున్న జగపతిబాబును క్లాస్ హీరోగా నిలబెట్టింది కూడా ఎస్వీ కృష్ణారెడ్డినే. భర్తను అమ్మేసే భార్య కాన్సెప్ట్ తో శుభలగ్నం సినిమా చేసి జగపతి బాబు కెరీర్ గ్రాఫ్ ను పూర్తిగా మార్చేశాడు.
పెద్ద పెద్ద డైరెక్లర్లు స్టార్ హీరోల కోసం వెంపర్లాడుతున్న సమయంలో ఎస్వీ కృష్ణారెడ్డి చిన్న హీరోలతో ఇండస్ర్టీ హిట్లు టాలీవుడ్ ను షేక్ చేశాడు. తన సినిమాకు స్టార్లతో పనిలేదని, కథే బలమని నమ్మిన దర్శకుడు కృష్ణారెడ్డి. కమెడియన్ గా బండి లాగిస్తున్న ఆలీని హీరోను చేసింది కృష్ణారెడ్డే. యమలీల సినిమాతో ఆలీని హీరోను చేయడమే కాకుండా సక్సెస్ ఫుల్ గా నిలబెట్టాడు. అదే సమయలో తన అభిమాన నటుడు సూపర్ స్టార్ కృష్ణ తోనూ సినిమా చేసి సక్సెస్ కొట్టాడు. నట కిరీటీ రాజేంద్ర ప్రసాద్ హీరోగా ఫేడ్ అవుట్ అవుతున్న సమయంలో కొబ్బరిబొండం, రాజేంద్రుడు- గజేంద్రుడు సినిమాలతో హిట్లు ఇచ్చాడు. హీరోలు శ్రీకాంత్, జేడీ చక్రవర్తిలను కూడా సరికొత్త జోనర్ చూపించాడు.
కొంత కాలంగా సినిమాలకు దూరంగా ఉంటున్న ఈ టాప్ డైరెక్టర్ మళ్లీ ప్రేక్షకులను పలకరించడానికి సిద్ధమవుతున్నాడు. ఇటీవల ఆయన ఇస్తున్న ఇంటర్వ్యూలు వైరల్ అవుతున్నాయి. సినిమా ప్లాఫులకు దర్శకులతో పాటు హీరోలు కూడా కారణమవుతున్నారని సెన్సేషనల్ కామెంట్లు చేశాడు. ఇవి సోషల్ మీడియాలో వైరల్ అవుతున్నాయి. ఒక కథను సిద్ధం చేసుకొని హీరోల దగ్గరికి వెళ్లే తమ ఇమేజ్ కు తగ్గట్లు మార్చి వేయిస్తున్నారని, దీంతో కథ దారి తప్పి సినిమా ప్లాఫ్ గా మిగులుతుందని చెప్పుకొచ్చారు.