Winner of Sankranti Movie : సంక్రాంతి విన్నర్ ను డిసైడ్ చేసిన ఆ మూవీ ట్రైలర్..

Winner of Sankranti Movie

Winner of Sankranti Movie : మహేశ్ బాబు-త్రివిక్రమ్ కాంబోలో వస్తున్న ‘గుంటూరు కారం’కు సంబంధించి ఫైనల్ ట్రైలర్ రిలీజైంది. ఈ మూవీకి సంబంధించిన స్టోరీ ట్రైలర్‌లోనే ఎస్టాబ్లిష్ చేశాడు దర్శకుడు. ట్రైలర్ బాగుందని కొందరు అంటుంటే.. అబ్బే అంత గొప్పగాలేదని మరికొందరు అభిప్రాయం వ్యక్తం చేస్తున్నారు. కమర్షియల్ హంగులతో ట్రైలర్ రూపొందించారు. అయినప్పటికీ ఈ సినిమాలో మహేష్ బాబును చాలా బాగా ఎస్టాబ్లిష్ చేసినట్లు తెలుస్తోంది.

సంక్రాంతి బరిలో నిలుస్తున్న ఈ మూవీ ఏ మేరకు విజయం సాధిస్తుందో తెలియాలి. జనవరి 12 (శుక్రవారం)న ఈ సినిమా థియేటర్లలోకి రానుంది. దీంతో ఈరోజు రిలీజైన ట్రైలర్ మూవీపై అంచనాలు పెంచేసిందనే చెప్పాలి. ఈ సారి సంక్రాంతి విన్నర్ మహేశ్ బాబు అంటూ ట్రైలర్ చూసిన వారు కామెంట్లు పెడుతున్నారు. గతంలో త్రివిక్రమ్ ఫాలో అయిన ట్రెండ్ నే ఈ సినిమాలో కూడా ఫాలో అయ్యాడు. కానీ ఇందులో మహేశ్ బాబు ఎనర్టీ బాగా వాడుకున్నట్లు తెలుస్తోంది.

సంక్రాంతి బరిలో భారీ కలెక్షన్లు రాబట్టేది ఈ మూవీనే అనేది దాదాపుగా ట్రైలర్ ను బట్టి తెలుస్తోంది. ఈ సినిమాతో మహేష్ కు తిరుగులేని హిట్ ఇస్తానని, త్రివిక్రమ్ అన్న మాట నిలబెట్టుకుంటారన్న టాక్ వినిపిస్తుంది. మొన్నటి వరకు ఈ సినిమా ‘కీర్తి కిరీటాలు’ అనే నవలకు కాపీ అనే టాక్ సోషల్ మీడియాలో వైరల్ అయ్యింది. మరి అది ఎంత వరకు నిజమో తెలియాలంటే 12 వరకు ఆగాల్సిందే. బ్లాక్ బాస్టర్ హిట్ టాక్ ను వినిపించడానికి ఈ సినిమా రెడీ అవుతున్నట్టుగా మహేష్ బాబు అభిమానులు ఇప్పటికే పండగ చేసుకుంటున్నారు.