Italy PM : ఇటలీ ప్రధానిపై పోస్టు.. జర్నలిస్టుకు జరిమానా

2021లో జర్నలిస్టు గిలియా కార్టిసి.. మెలోనీపై ఎక్స్ వేదికగా పోస్టు పెట్టారు. ఆమెపై విమర్శలు గుప్పిస్తూ ఎత్తును ఉద్దేశించి హేళన చేశారు. ‘‘మెలోనీ మీరు నన్ను భయపెట్టలేరు. మీ ఎత్తు కేవలం 1.2 మీటర్లు (నాలుగు అడుగులు) మాత్రమే. మీరు అసలు నాకు కనిపించరు’’ అని వ్యంగ్యంగా పోస్టు పెట్టారు. దీనిపై మెలోనీ కేసు పెట్టారు. కేసును విచారించిన మిలాన్ కోర్టు తాజాగా సదరు జర్నలిస్టుకు 5 వేల యూరోల జరిమానా విధించింది. అయితే తీర్పుపై కార్టిసి అప్పీల్ చేసుకోవడానికి వీలుంది. ఒకవేళ ఈ జరిమానా డబ్బులు అందితే ప్రదాని వాటిని ఛారిటీకి ఇస్తారని ఆమె తరపు న్యాయవాది తెలిపారు.