Moon appears : కశ్మీర్ టు కన్యాకుమారి.. చంద్రుడు ఎక్కడెక్కడ ఎలా కనిపిస్తాడో మీకు తెలుసా?

moon appears : అందరూ ముద్దుగా మామ అని పిలుచుకునే చందమామ మన దేశంలో విభిన్న ప్రాంతాల్లో ఒక్కోలా కనిపిస్తుంటాడు. చిన్నపిల్లలు అన్నం తినమని మారం చేస్తే చంద్రుడిని చూపిస్తూ తినిపించిన రోజులెన్నో మనం చూసే ఉంటాం. చందమామ రావే.. జాబిల్లి రావే అని ఎన్నో పాటలు పాడుకున్నాం. చంద్రకాంతి సోయగం ఇష్టముండని వారుండరు అంటే అతిశయోక్తి కాదు. రాత్రి వేళల్లో అందమైన చంద్రుడి ప్రతిబింబాన్ని చూస్తూ మైమరిచిపోయే వారుంటారు. చంద్రుడి పై తమ మదికి దోచిన కవితలు రాసే వారుంటారు. పున్నమి చంద్రుడంటే అందరికీ ఇష్టమే. భారత్ సాధించిన ఎన్నో విజయాల్లో చంద్రయాన్ కూడా ఒకటి. కశ్మీర్ నుంచి మొదలుకొని కన్యాకుమారి వరకు చంద్రుడు ఒకేలా ఉన్నా, వివిధ రూపాల్లో కనిపిస్తుంటాడు. అయితే ఎక్కడెక్కడ ఎలా కనిపిస్తాడో ఈ కథనం ద్వారా తెలుసుకునే ప్రయత్నం చేద్దాం.

చంద్రుడి మొక్క ఆకారం, రంగు భూమిపై ఉండే వాతావరణ స్థితి ద్వారా మనకుకనిపిస్తుంటుంది. కశ్మీర్ లో చల్లని , పొడి గాలి చంద్రుడిని ప్రకాశవంతంగా మనకు చూపిస్తుంది. కన్యాకుమారిలో తేమ కలిగిన గాలి చంద్రుడు ప్రకాశవంతంగా మనకు కనిపిస్తాడు. పట్టణాల్లో చూసుకుంటే కాలుష్యం కారణంగా చంద్ర క్రాంతి మనకు కొంత తక్కువగా కనిపిస్తుంది. అదే పల్లెల్లో ప్రకాశవంతంగా స్పష్టమైన చంద్రుడు కనులవిందుగా దర్శనమిస్తాడు. రాత్రివేళల్లో చంద్రుడిని చూస్తూ జంటలు, వివిధ కథలు చెప్పుకుంటూ పిల్లలు, పెద్దలు సేదతీరుతుంటారు.

పున్నమి రోజున చంద్రుడు విపరీతమైన ప్రకాశవంతంగా కనిపిస్తాడు. అందరినీ ఆహ్లాదపరిచేలా దర్శనమిస్తాడు. ఇక అమావాస్య రోజున చంద్రుడి జాడే ఉండదు. వివిధ దశలు చంద్రుడి దర్శనాన్ని ప్రభావితం చేస్తాయి. కశ్మీర్ నుంచి చూసే స్థానం, కన్యాకుమారి నుంచి చంద్రుడిని చూసే స్థానం విభిన్నంగా ఉంటాయి. భారత్ లో చంద్రుడికి అత్యంత ప్రాధాన్యం ఇస్తారు. పూజలు చేస్తారు. దేవుడిలా భావిస్తారు. పండుగలు నిర్వహిస్తారు. చంద్రుడిని బట్టి రైతులు కూడా వ్యవసాయ పనులు నిర్వహిస్తారు. ఏదేమైనా చంద్రుడి దశలను బట్టి అది కనిపిస్తూ ఉంటుంది.