Nag Ashwin
Nag Ashwin : ప్రభాస్ హిరోగా నటించిన కల్కి 2898 ఏడీ రికార్డు స్థాయి కలెక్షన్లతో దూసుకుపోతుంది. ఈ సినిమాలో స్టార్ డైరెక్టర్లు రాజమౌళి, ఆర్జీవీ ఇద్దరు అతిథి పాత్రలో కనిపించారు. వీరిద్దరిని ఎలా ఒప్పించారని కల్కి డైరెక్టర్ నాగ్ అశ్విన్ ను అడగ్గా.. వారిని అతిథి పాత్రలో నటించాలని కోరా.. కథలో వారి పాత్రలను చెప్పా.. వారి మనసుకు నచ్చి ఒప్పుకున్నారు. వారిద్దరికి ఉన్న మంచి మనసే వారిని ఒప్పించేలా చేసిందన్నారు నాగ్ అశ్విన్.
కల్కి మూవీలో అమితాబ్ బచ్చన్ కీలక రోల్ పోషించారు. అశ్వత్థామ పాత్రకు అమితాబ్ తప్ప మరెవరూ సెట్ కారని అనిపించిందని డైరెక్టర్ నాగ్ అశ్విన్ అన్నారు. ఇండియా ఫిల్మ్ ఇండస్ట్రీలోనే అమితాబ్ తర్వాతే ఎవరైనా అలాంటి నటుడు తప్ప మరెవరూ ఆ పాత్ర కు సరిపోరని అన్నాడు. అమితాబ్ ప్రభాస్ మధ్య కొన్నికీలక సన్నివేశాలు తీయాలన్నది కల అది నెరవేరిందన్నారు.
ఎన్నో అంచనాల మధ్య జూన్ 27 న ప్రేక్షకుల ముందుకు వచ్చిన కల్కి సరికొత్త రికార్డు కలెక్షన్లతో దూసుకుపోతుంది. వైజయంతి మూవీస్ లో తీసిన ఈ సినిమా అశ్వినీ దత్ లాంటి నిర్మాతలకు కూడా కెరీర్ లో అతి పెద్ద హిట్ గా నిలిచి బోలెడన్నీ డబ్బులు సంపాదించి పెట్టింది.
నాగ్ అశ్విన్ తీసిన మూడో సినిమానే ఇంత పెద్ద హిట్ కావడం, మళ్లీ తెలుగు ఫిల్మ్ ఇండస్ట్రీ నుంచి మరో దిగ్గజ పాన్ ఇండియా డైరెక్టర్ వెలుగులోకి రావడంతో నార్త్ ఇండియా డైరెక్టర్లు, నిర్మాతల చూపు టాలీవుడ్ ఇండస్ట్రీ వైపే చూస్తోంది. దుల్కర్ సల్మాన్, విజయ్ దేవర కొండ, దిశా పటానీ, శోభన, మాళవిక లాంటి టాప్ ప్రయార్టీ ఉన్న నటులను సినిమాలో యాక్ట్ చేయించి సినిమా రేంజ్ ను వేరె లెవల్ కు తీసుకెళ్లారు నాగ్ అశ్విన్. తాను అనుకున్న కథను పర్ ఫెక్ట్ గా తెర పై చూపించగలిగాడు. దీంతో ఇటు ప్రభాస్ ఫ్యాన్స్ అటు అమితాబ్ ఫ్యాన్స్ అందరూ ఖుషీ అయ్యారు.