Bhashyam Praveen
Bhashyam Praveen : అచ్చంపేట మండలం పెద్దపాలెం గ్రామంలో ఈరోజు తెలుగుదేశం, జనసేన, బిజెపి పార్టీ ఉమ్మడి ఎమ్మెల్యే అభ్యర్థి భాష్యం ప్రవీణ్ ఎన్నికల ప్రచారం నిర్వహించారు. గ్రామంలో ఆయనకు టీడీపీ, జనసేన, బిజెపి నాయకులు ఘన స్వాగతం పలికారు. ఈ సందర్భంగా పెదకూరపాడు నియోజకవర్గం ఎమ్మెల్యే అభ్యర్థి భాష్యం ప్రవీణ్ గ్రామంలోని శివాలయంలో ప్రత్యేక పూజలు చేసి అర్చకుల ఆశీర్వచనాలు తీసుకున్నారు.
అనంతరం గ్రామంలో నిర్వహించిన రోడ్ షోలో గ్రామస్థులు పెద్ద ఎత్తున పాల్గొన్నారు. తెలుగుదేశం, జనసేన, బిజెపి పార్టీ కార్యకర్తలు భాష్యం ప్రవీణ్ ను సన్మానించారు. ఈ సందర్భంగా ఆయన మాట్లాడుతూ ఎన్నికల్లో ఆలోచించి ఓటు వేయాలని, భవిష్యత్ తరాల అభివృద్ధి కోసం తనను భారీ మెజార్టీతో గెలిపించాలని కోరారు. ఈ కార్యక్రమంలో తెలుగుదేశం, జనసేన, బిజెపి పార్టీ నాయకులు, కార్యకర్తలు, గ్రామస్థులు పాల్గొన్నారు.