Team India Diwali Celebrations : టీమిండియా ఆటగాళ్ల దీపావళి సంబురాలు..

Team India Diwali Celebrations

Team India Diwali Celebrations : వన్డే ప్రపంచకప్ లో దూసుకుపోతున్న టీమిండియా ఆటగాళ్లు శనివారం దీపావళి సంబురాలు చేసుకున్నారు. ఆటగాళ్లందరూ తమ కుటుంబసభ్యులు, స్నేహితులతో కలిసి బెంగళూరులోని ఓ హోటల్ లో దీపావళి  పండుగను ఘనంగా నిర్వహించారు జట్టులోని ఆటగాళ్లు, సిబ్బంది కుటుంబ సమేతంగా ఈ వేడుకల్లో పాల్గొన్నారు. ఈ సందర్భంగా పలు ఫొటోలను సోషల్ మీడియాలో పంచుకున్నారు. దీనిపై క్రీడా అభిమానులు ఆనందం వ్యక్తం చేస్తున్నారు. ప్రస్తుతం ఈ ఫొటోలు, వీడియోలు నెట్టింట వైరల్ అవుతున్నాయి.

వరల్డ్ కప్ సిరీస్ లో ఎనిమిది వరుస విజయాలతో టీమిండియా దూసుకెళ్తున్నది. ఇక ఆఖరి మ్యాచ్ ఆదివారం నెదర్లాండ్స్ తో జరగబోతున్నది. ఈ మ్యాచ్ లో టీమిండియా గెలవడం ఖాయం. ఇక మరోవైపు ఈనెల 15 న జరిగే సెమీఫైనల్ లో టీమిండియా న్యూజిలాండ్ తో తలపడబోతున్నది. ఇప్పటివరకు ఓటమెరుగని టీమిండియాకు సెమీ ఫైనల్ లో గట్టి పోటీ ఎదురు కాబోతున్నది. గతంలో ఎదురైన అనుభవాల నేపథ్యంలో టీమిండియా అభిమానుల్లో తీవ్ర ఆందోళన నెలకొంది.

ఇక వరల్డ్ కప్ తుది దశకు చేరుకుంది. ఈనెల 19న అహ్మదాబాద్లోని నరేంద్ర మోదీ స్టేడియంలో ఫైనల్ మ్యాచ్ జరగబోతున్నది. అయితే అతిథ్య జట్టు టీమిండియా ఫైనల్ కు చేరుకుంటుందా.. లేదా అనేది ఈ నెల `15న జరిగే మ్యాచ్ తో తేలనుంది.  టీమిండియా అభిమానులు మాత్రం వరల్డ్ కప్ నెగ్గే అవకాశం రోహిత్ సేనకే ఉందని చెబుతున్నారు. మరి టీమిండియా కివీస్ జట్టును సెమీ ఫైనల్ లో ఎలా ఎదుర్కొంటుందో వేచి చూడాలి.