14th January Horoscope Telugu
14th January Horoscope : మేష రాశి వారికి మానసికంగా బలంగా ఉంటారు. అధికారుల సహకారాలు ఉంటాయి. శుభకార్యక్రమాల్లో పాల్గొంటారు. దుర్గాదేవి ఆరాధన మంచి ఫలితాలు ఇస్తుంది.
వ్రషభ రాశి వారికి అనుకూల కాలం. కీలక విషయాల్లో సొంతంగా ఆలోచించుకుని ముందుకెళ్లాలి. విష్ణు దర్శనం శుభాలు కలిగిస్తుంది.
మిథున రాశి వారికి ఖర్చులు పెరగకుండా చూసుకోవాలి. కొత్త వస్తువులు కొనుగోలు చేస్తారు. కాలానికి అనుగుణంగా ముందుకు సాగాలి. ఆంజనేయుడిని పూజించడం వల్ల మేలు చేస్తుంది.
కర్కాటక రాశి వారికి వ్యాపారంలో మంచి లాభాలున్నాయి. మీ ఆలోచనలు పంచుకోవడం ద్వారా మంచి జరుగుతుంది. మీ పరిధి దాటి వెళ్లకండి. వెంకటేశ్వర స్వామి ఆరాధన శుభకరం.
సింహ రాశి వారికి సమాజంలో గౌరవ మర్యాదలు దక్కుతాయి. ఆలోచించి ముందుకు సాగండి. ఉద్యోగ, వ్యాపారాల్లో అనుకూలంగా ఉంటుంది. గోవింద నామాలు జపించడం శ్రేయస్కరం.
కన్య రాశి వారికి ఉల్లాసంగా ఉత్సాహంగా ఉంటారు. ప్రతి విషయం చర్చించి నిర్ణయం తీసుకోవాలి. లక్ష్మీ సహస్ర నామం చదవడం వల్ల ఎన్నో అనుకూల ఫలితాలు వస్తాయి.
తుల రాశి వారికి ఆరోగ్యాన్ని నిర్లక్ష్యం చేయొద్దు. ప్రముఖులతో పరిచయాలు ఏర్పడతాయి. అందరిలో ఆధర్శంగా నిలుస్తారు. సూర్య నారాయణ మూర్తిని ఆరాధించడం శుభకరం.
వ్రశ్చిక రాశి వారికి అనవసర విషయాల గురించి పట్టించుకోవద్దు. ఆరోగ్యం పట్ల జాగ్రత్తగా ఉండాలి. శ్రీరామ నామాన్ని జపించడం ఉత్తమంగా భావించుకోవాలి.
ధనస్సు రాశి వారికి మనసు సంతోషంగా ఉంటుంది. బంధువులతో ఆనందంగా ఉంటారు. పనుల్లో మంచి ఫలితాలు వస్తాయి. విష్ణు సహస్ర నామాలు చదువుకోవడం మేలు కలిగిస్తుంది.
మకర రాశి వారికి పనుల్లో ఆటంకాలు ఎదురైనా అధిగమిస్తారు. సానుకూల ఫలితాలు వస్తాయి. ఉద్యోగ వ్యాపారాల్లో అనుకూలం. గొడవలకు వెళ్లకండి. ఇష్టదేవతారాధన మంచిది.
కుంభ రాశి వారికి ప్రయాణాల్లో మంచి ఫలితాలుంటాయి. ప్రశంసలు పొందుతారు. అనుకూల కాలం. గణపతి ఆరాధన అనుకూల ఫలితాలు కలగజేస్తుంది.
మీన రాశి వారికి మనో ధైర్యం కోల్పోవద్దు. ఉద్యోగ వ్యాపారాల్లో మామూలు ఫలితాలున్నాయి. ఇతరుల సహకారంతో ముందుకు వెళతారు. ఇష్టదేవతారాధన మేలు చేస్తుంది.