Nagarjuna University: నాగార్జున యూనివర్సిటీలో విషాదం నెలకొంది. పాముకాటుతో మయన్మార్ కు చెందిన ఓ విద్యార్థి మరణించాడు. నాగార్జున యూనివర్సిటీలో మయన్మార్ కు చెందిన కొండన్న అనే విద్యార్థి పాముకాటుకు గురై మృతిచెందాడు. కొండన్న బుద్ధిజంలో ఎంఏ చేస్తున్నాడు. నిన్న (శనివారం) సాయంత్రం యూనివర్సిటీలో పుట్టగొడుగులు సేకరించేందుకు వెళ్లాడు. పుట్టగొడుగులు సేకరిస్తున్న క్రమంలో రక్తపింజర పాము అతని కాలిపై కాటు వేసింది. వెంటనే తోటి విద్యార్థులు అతన్ని ఆస్పత్రికి తరలిస్తుండగా మార్గమధ్యంలో మృతి చెందాడు. మయన్మార్ లోని అతడి తల్లిదండ్రులకు సమాచారం అందించామని యూనివర్సిటీ అధికారులు తెలిపారు.