Jai Hanuman: జై హనుమాన్ నుంచి మరో అప్ డేట్.. ఆకట్టుకుంటున్న థీమ్ సాంగ్
Jai Hanuman
Jai Hanuman: ‘హను-మాన్’ తర్వాత మైత్రీ మూవీ మేకర్స్ జై హనుమాన్ నుంచి అక్టోబర్ 30 అప్ డేట్ ఇచ్చిన విషయం తెలిసిందే. దీపావళి కానుకగా మరో అప్ డేట్ ఇచ్చారు మేకర్స్. జైహనుమాన్ సీక్వెల్‌ లో హనుమాన్ గా కాంతార హీరో రిషబ్ శెట్టి ఫస్ట్‌లుక్‌ని విడుదల చేయగా ఆకట్టుకుంటున్నది. దీంతో ఈ సినిమాపై అభిమానుల్లో మరింత క్యూరియాసిటీ పెరిగింది. ప్రముఖ జాతీయ అవార్డు గ్రహీత రిషబ్ శెట్టి ఈ చిత్రంలో హనుమంతుడిగా కనిపించబోతున్నారు. ప్రశాంత్ వర్మ సినిమాటిక్ యూనివర్స్ (PVCU)లో భాగం కావడంతో, ఈ చిత్రం మరింత ఆసక్తిని పెంచుతున్నది. అద్భుతమైన సినిమాటిక్ అనుభూతిని అనుభవించడానికి, మరిన్ని అప్‌డేట్‌ల కోసం ప్రేక్షకులు ఆసక్తిగా ఎదురుచూస్తున్నారు.
రామనామ స్మరణతో పాట
హనుమంతుని శక్తి, బలం, గౌరవం, విధేయతను అందంగా వర్ణించే థీమ్ సాంగ్‌ను మేకర్స్ విడుదల చేశారు. తమ సోషల్ మీడియాలో థీమ్ సాంగ్‌ను పంచుకున్నారు. , మేకర్స్ ఓ క్యాప్షన్‌ కోట్ చేశారు. దీపావళి పండుగ సందర్భంగా మీ అందరికీ టీమ్ జై హనుమాన్ నుండి దీపావళి శుభాకాంక్షలు అని జత చేశారు.
హనుమంతుడిగా ఆకట్టుకుంటున్న రిషబ్ శెట్టి
అక్టోబర్ 30న ‘జై హనుమాన్’ ఫస్ట్ లుక్ ను విడుదల చేశారు. ఇందులో రిషబ్ శెట్టి హనుమంతుడిగా కనిపించాడు. రాముడి విగ్రహాన్ని కౌగిలించుకుని కనిపించాడు. ‘వచనపాలనం ధర్మస్య మూలం’ అనే ప్రత్యేక క్యాప్షన్‌తో మేకర్స్ ఈ అద్భుతమైన ఫస్ట్‌లుక్‌ను సోషల్ మీడియాలో షేర్ చేశారు. జాతీయ అవార్డు గ్రహీత రిషబ్ శెట్టి, సంచలన దర్శకుడు ప్రశాంత్ వర్మ విధేయత, ధైర్యం, భక్తికి సంబంధించిన ఇతిహాసాన్ని అందించారు. ఈ దీపావళిని ‘జై హనుమాన్’ అనే పవిత్ర మంత్రంతో ప్రారంభించి, ప్రపంచవ్యాప్తంగా ప్రతిధ్వనిద్దాం.