Hari Priya : విలన్ ను పెళ్లాడిన నాని హీరోయిన్

hari pirya

Hari Priya : నాచురల్ స్టార్ నాని కెరీర్ మొదట్లో సాఫ్ట్ సినిమాలతో సూపర్ హిట్లు కొట్టాడు. అందులో ఒకటి పిల్ల జమీందార్ సినిమా. పల్లెటూరి నేపథ్యంలో రూపొందించిన ఈ సినిమాలో బింధు మాధవి, హరిప్రియ హీరోయిన్లుగా చేశారు. ఇందులో బింధు మాధవి మోడ్రన్ గర్ల్ గా అలరిస్తే.. అచ్చమైన పదహారణాల తెలుగు అమ్మాయి పాత్రలో హరిప్రియ అద్భుతంగా నటించింది. హరిప్రియ కన్నడ ఇండస్ట్రీ నుంచి వచ్చింది.ఆమె అందం, అభినయంతో బాగా ఆకట్టకుంది. భూమికా చావ్లా భర్త భరత్ ఠాకూర్ నిర్మాతగా తెరకెక్కించిన తకిత తకిట సినిమాతో టాలీవుడ్ కు పరిచయమైంది హరిప్రియ. ఈ సినిమా యావరేజ్ టాక్ తెచ్చుకుంది. ఆ తర్వాత వచ్చిన పిల్ల జమీందార్ సినిమా విజయం సాధించడంతో ఈ చిన్నదానికి టాలీవుడ్ లో అవకాశాలు కుప్పలు తెప్పలుగా వచ్చి పడ్డాయి. యువ హీరో వరుణ్ సందేశ్‌తో కలిసి అబ్బాయి క్లాస్- అమ్మాయి మాస్, ఈ వర్షం సాక్షిగా సినిమాల్లో హీరోయిన్ గా చేసింది. అలాగే బాలకృష్ణతో కలిసి జై సింహాలోనూ నటించింది. ఆ తర్వాత మరే సినిమాలోనూ నటించలేదు. సాండల్ వుడ్ లో స్టార్ హీరోయిన్ గా వెలుగొందింది. బెల్ బోటమ్, కురక్షేత్ర, పెట్రోమాక్స్ వంటి సూపర్ హిట్ చిత్రాల్లో నటించి కన్నడ ప్రేక్షకుల అభిమానం పొందింది.
రిషబ్ శెట్టి, రక్షిత్ శెట్టి, శ్రీమురళి లాంటి స్టార్ హీరోల సినిమాల్లో హీరోయిన్ గా చేసింది. ఇక గత ఏడాది ప్రముఖ విలన్, కేజీఎఫ్ నటుడు వశిష్టను వివాహం చేసుకుంది. నారప్ప, నయీం డైరీస్‌, ఓదెల రైల్వేస్టేషన్ తదితర తెలుగు చిత్రాల్లోనూ నటించాడు వశిష్ట. పెళ్లి తర్వాత సినిమాలను ఒప్పుకోవడం లేదు. ఆమె చేతిలో ప్రస్తుతం నాలుగు ప్రాజెక్టులు ఉన్నాయి. ఇటీవలే భర్తతో కలిసి నిర్మాణ రంగంలోకి ఎంటరైంది. హరిప్రియ క్రియేషన్స్ పేరిట షార్ట్ ఫిల్మ్ తీసేందుకు సిద్ధమవుతున్నంది.