Jio Offer:జియో న్యూ ఇయ‌ర్ ఆఫ‌ర్.. ఆ ప్లాన్‌పై అద‌న‌పు వ్యాలిడిటీ

Jio Offer:మ‌రి కొన్ని రోజుల్లో నూత‌న సంవ‌త్స‌రంలోకి ఎంట‌ర్‌కాబోతున్నాం. ఈ నేప‌థ్యంలో న్యూ ఇయ‌ర్ కానుక‌గా ప్ర‌ముఖ టెలికాం కంపెనీ రిల‌య‌న్స్‌ జియో సరికొత్త ఆఫ‌ర్‌ని త‌న వినియోగ‌దారుల‌కు ప్ర‌క‌టించింది. ఈ ఏడాది ప‌రిమితితో ఉన్న రీఛార్జ్ ప్లాన్‌పై `హ్యాపీ న్యూఇయ‌ర్ ఫ‌ర్ 2024` పేరుతో ప్ర‌త్యేక అద‌న‌పు వ్యాలిడిటీని అందిస్తోంది. జియో ప్రీ పెయిడ్ ప్లాన్ యూజ‌ర్ల‌కు ఇప్ప‌టికే ఈ ఆఫ‌ర్ అందుబాటులోకి వ‌చ్చింది.

లాంగ్ ట‌ర్మ్ కోసం ఎదురుచూస్తున్న వారు ఈ ప్లాన్ వివ‌రాల‌పై ఓ లుక్కేయండి.ఇప్ప‌టికే జిఓ అందిస్తున్న రూ.2,999 ప్రీపెయిడ్ ప్లాన్ రీఛార్జీతో 365 రోజుల వ్యాలిడిటీ ల‌భిస్తుంది. ప‌రిమిత వాయిస్‌కాల్స్, 100 ఎస్సెమ్మెస్‌ల‌తో పాటు రోజుకు 2.5 జీబీ డేటా చొప్పున మొత్తం 912 జీబీ డేటా అందిస్తోంది. అయితే జియో తీసుకొచ్చిన న్యూ ఇయ‌ర్ ఆఫ‌ర్‌లో భాగంగా రీఛార్జ్ చేసుకుంటే 24 రోజుల అద‌న‌పు వ్యాలిడిటీ పొందొచ్చు. అంటే మొత్తం 389 రోజులు ఈ ప్లాన్‌ని వినియోగించుకోవ‌చ్చు అన్న‌మాట‌. దీంతో పాటు జియో క్లౌడ్ జియో టీవి, జియో సినిమా ఏడాది పాటు ఉచితంగా వీక్షించ‌వ‌చ్చు.