Fertilizers
Fertilizers : టీటీడీకి మరో కంపెనీ విరాళం అందించింది. కోరమాండల్ ఇంటర్నేషనల్ సంస్థ తిరుమల తిరుపతి దేవస్థానానికి రూ.4.10 లక్షలు విలువైన ఎరువులను సోమవారం విరాళంగా అందించింది. కోరమాండల్ ఇంటర్నేషనల్ లిమిటెడ్ వైస్ ప్రెసిడెంట్ సత్యనారాయణ, ఆర్ఎం రమణారెడ్డి, మార్కెటింగ్ ఆఫీసర్ మురళి ఈ ఎరువులను తిరుమలలోని కల్యాణ వేదిక వద్ద గల ఉద్యానవన విభాగం కార్యాలయంలో అధికారులకు అందజేశారు. ఈ ఎరువులను తిరుపతితో పాటు తిరుమలలో మొక్కలు, చెట్ల పెంపకానికి ఉపయోగిస్తారు.
మరోవైపు ఆదివారం పంజాబ్ లోని ట్రైడెంట్ గ్రూప్ నకు చెందిన రాజిందర్ గుప్తా టీటీడీ ఎస్వీ ప్రాణదాన ట్రస్టుకు రూ.21 కోట్లు విరాళంగా అందించారు. ఈ చెక్కును టీటీడీ అదనపు ఈవో వెంకయ్య చౌదరికి అందించారు. ఎస్వీ ప్రాణదాన ట్రస్టు నిరుపేతలకు ఉచితంగా వైద్య సేవలు అందిస్తూ ఉంటుంది. ప్రాణాంతక జబ్బులతో బాధపడేవారికి ఉచితంగా వైద్యం, మందులు అందిస్తుంది.