TTD News: వర్షాల ఎఫెక్ట్.. టీటీడీ కార్తీక వన భోజన మహోత్సవం వేదిక మార్పు

TTD News: టీటీడీ భక్తులకు ఒక ముఖ్య గమనిక. తిరుమలలో కార్తీక వన భోజన మహోత్సవాలను నిర్వహించడం అనవాయితీ. ఈ నేపథ్యంలో ఆదివారం నిర్వహించేందుకు టీటీడీ సిద్ధమైంది. అయితే, ఆదివారం రోజు భారీ వర్షాలున్నాయని వాతావరణ శాఖ హెచ్చరించడంతో టీటీడీ కార్తీక వన భోజన మహోత్సవం వేదిక మార్చింది. పార్వేట మండపంలో కాకుండా వైభవోత్సవ మండపంలో కార్తీక వన భోజన ఉత్సవం నిర్వహిస్తారు. మరోవైపు కార్తీక వన భోజన ఉత్సవం సందర్భంగా టీటీడీ ఆర్జిత సేవలు కూడా రద్దు చేసింది.

కార్తీక వన భోజన మహోత్సవంలో భాగంగా ఆదివారం ఉదయం శ్రీవారి ఉత్సవమూర్తులను వైభవోత్సవ మండపానికి తీసుకువస్తారు. ఉదయం 11 నుంచి 12 వరకు మలయప్పస్వామికి స్నపన తిరుమంజనం నిర్వహిస్తారు. ఈ సందర్భంగా పాలు, పెరుగు, తేనె, చందనం, పసుపు తదితర సుగంధ ద్రవ్యాలతో తిరుమలలో కార్తీక వన భోజన మహోత్సవం సందర్భంగా టీటీడీ పలు ఆర్జిత సేవలను రద్దు చేసింది. శ్రీవారి ఆలయంలో నిర్వహించే కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్ర దీపాలంకార సేవలను రద్దు చేశారు.