Crime News : రైలు ఢీకొని ఓ వృద్ధుడు మృతి చెందగా ఆ మృతదేహం ఇంజిన్ కు చిక్కుకొని అలాగే వేలాడుతూ వచ్చింది. పట్టాలు దాటుతున్న ఓ వృద్ధుడిని ప్యాసింజర్ రైలు ఢీకొట్టింది. బీబీ నగర్ వద్ద ఈ ఘటన చోటుచేసుకుంది. ఈ ప్రమాదంలో వృద్ధుడు అక్కడికక్కడే మృతి చెందాడు. ఈ క్రమంలో రైలు ఇంజిన్ లో చిక్కుకున్న మృతదేహం బీబీ నగర్ నుంచి ఘట్ కేసర్ వరకు వేలాడుతూ వచ్చింది.
ఘట్ కేసర్ రైల్వే గేటు వద్ద రైలు ఇంజిన్ కు చిక్కుకుని ఉన్న మృతదేహాన్ని స్థానికులు గుర్తించి సిబ్బందికి సమాచారం ఇచ్చారు. ఘట్ కేసర్ దాటాక రైలును ఆపించిన ఆర్ పీఎఫ్ సిబ్బంది, మృతదేహాన్ని తొలగించారు. ప్యాసింజర్ రైలు వరంగల్ నుంచి సికింద్రాబాద్ వైపు వెళ్తుండగా ఈ ప్రమాదం జరిగింది.