New skywalk : హైదరాబాద్ లో కొత్తగా మరో స్కైవాక్.. ఎక్కడంటే..?

new skywalk : హైదరావాద్ వాసులకు గుడ్ న్యూస్. నగరంలో మరో స్కైవాక్ అందుబాటులోకి రానుంది. పరేడ్ గ్రౌండ్ మెట్రోరైలు స్టేషన్ వద్ద కొత్తగా స్కైవాక్ నిర్మించనున్నారు. మెట్రో ప్రయాణికుల సౌకర్యార్థం ఆ ప్రాంతంలో ఇబ్బందులు తలెత్తకుండా జీహెచ్ ఎంసీ స్కైవాక్ నిర్మించనుంది. పరేడ్ గ్రౌండ్ మెట్రో రైలు స్టేషన్ నుంచి తరచూ అధిక సంఖ్యలో ప్రయాణికులు రాకపోకలు సాగిస్తున్నారు. అదే క్రమంలో అక్కడి ఫ్లైఓవర్ కారణంగా మెట్రో స్టేషన్ నుంచి కిందకి వచ్చి రోడ్డు దాటాలంటే ప్రయాణికులు భయపడుతున్నారు. దీనికి కారణం అక్కడ అత్యంత రద్దీ ప్రాంతం కావడమే.

దీనిని దృష్టిలో ఉంచుకొని జీహెచ్ఎంసీ కీలక నిర్ణయం తీసుకుంది. అక్కడ రెండోవైపు ఎల్ అండ్ టీ మెట్రోకు కేటాయించిన భూములు ఉండడంతో అనుసంధానం కోసం స్కైవాక్ నిర్మించనున్నారు. పై వంతెనలున్న చోట మెట్రో స్టేషన్లను రహదారికి ఒక వైపు నిర్మించారు. ప్యారడైజ్ స్టేషన్ ను ఇలాగే సికింద్రాబాద్ పీజీ కళాశాల వైపు నిర్మించారు. రహదారి దాడి రెండోవైపు రావాలంటే చాలా కష్టంగా ఉండేది. ప్రయాణికుల ఇబ్బంది తొలగించేందుకు ఇక్కడ స్కైవాక్ నిర్మించారు. ఇదే మాదిరి పరేడ్ గ్రౌండ్ స్టేషన్ వద్ద కూడా కొత్తగా నిర్మించబోతున్నారు.