Viral Video
Viral Video : 2007 టీ 20 వరల్డ్ కప్ లో యువరాజ్ సింగ్ ఆరు సిక్స్ లను ఎప్పటికీ మరిచిపోలేం. క్రికెట్ చరిత్రలో అదో చిరస్మరణీయమైన రోజు అది. యువరాజ్ సింగ్ ఆరు సిక్సర్లు కొట్టిన వీడియో ఇప్పటికీ ప్రత్యేకమే. ఎన్ని సార్లు చూసినా తనివి తీరదు.
2007 సెప్టెంబర్ 19వ తేదీన మొదటి టీ-20 ప్రపంచకప్ లో భాగంగా డర్బన్ వేదికగా ఇంగ్లాండ్ వర్సెస్ ఇండియా మ్యాచ్ అది. ఈ మ్యాచ్ ను ఇండియా తప్పక గెలవాల్సిన పరిస్థితి. తొలుత భారత్ బ్యాటింగ్ చేస్తోంది. యువీ క్రీజులో ఉన్నాడు. అప్పటికీ టీమిండియా స్కోర్ మూడు వికెట్లకు 171. మరో రెండు ఓవర్లు మిగిలి ఉన్నాయి. అంతకుముందు అనవసరంగా ఫ్లింటాఫ్ యువీని ఏదో అన్నాడు. అది మనసులో పెట్టుకున్న యువీ బ్యాట్ తో అతడికి బుద్ధి చెప్పాడు. వరుసగా ఆరు సిక్స్ లు దంచేశాడు.
ఇప్పుడు ఈ వీడియో ఏపీలో వైరల్ గా మారిపోయింది. ఈ ఎన్నికల్లో టీడీపీ సూపర్ సిక్స్ హామీలు ఇచ్చిన విషయం తెలిసిందే. యువీ ఆరు సిక్సర్ల వీడియోకు ఫ్లింటాఫ్ లా జగన్ ను, యువీలా చంద్రబాబును పెట్టి ఆరు సిక్సర్లకు ఆరు పథకాలను ఎడిట్ చేసి ఓ వీడియో తయారు చేశారు. ఈ వీడియోను టీడీపీ శ్రేణులు తెగ వైరల్ చేస్తున్నాయి. చంద్రబాబు సూపర్ సిక్స్ పథకాలతో జగన్ కు దిమ్మ తిరిగిపోతోందని అంటున్నారు. యువీ కొట్టిన సిక్సర్ల వలె చంద్రబాబు సూపర్ సిక్స్ పథకాలతో వైసీపీ గద్దె దిగడం ఖాయమని, జగన్ రెడ్డి ఇంటికి వెళ్లడం తథ్యమని అంటున్నారు.
సూపర్ సిక్స్ పథకాలివే..
1. యువత కు 20 లక్షల ఉపాధి అవకాశాలు (3 వేల నిరుద్యోగ భృతి)
2. ప్రతి స్కూల్ కి వెళ్లే విద్యార్థికి ఏడాదికి 15,000.
3. ప్రతి రైతుకూ ఏటా ₹20,000.
4. ప్రతి ఇంటికి ఉచితంగా 3 గ్యాస్ సిలిండర్లు
5. ప్రతి మహిళ కి ప్రతి నెల ₹1500.
6. మహిళలకు ఉచిత బస్సు ప్రయాణం
