Barrelakka (Shirisha)
Barrelakka and Sharmilakka : కర్నె శిరీష అంటే ఎంత మందికి తెలుసు. చాలా మందికి తెలియకపోవచ్చు. బర్రెలక్క అంటే మాత్రం ఇట్టే గుర్తు పడతారు. యూ ట్యూబ్ లో ఆమె చేసే వీడియోలు బాగా పాపులర్. బర్రెలు కాపుకునేటోళ్ల కష్టాలు, బర్రెలతో మాట్లాడడం, వాటిని మనుషుల్లానే పిలవడం లాంటివి చేస్తూ వాటిని వీడియోలు తీస్తూ బాగా పాపులర్ అయ్యింది.
ఒక్కో సారి ఆమె చెప్పే విషయాలు చాలా మందిని ఆశ్చర్యానికి గురి చేస్తుంటాయి. బర్రెలక్కగా గుర్తింపు దక్కించుకున్న ఆమె ప్రభుత్వాలు, అవి చేపడుతున్న పథకాలు, నిరుద్యోగం, ఉద్యోగాల కల్పన తదితరాలపై నిర్విరామంగా మాట్లాడుతుంది. చదువుకున్నోళ్లు బర్రెలు కాస్తే ఏమవుతుంది అంటూ ప్రశ్నిస్తుంది. అలాంటి బర్రెలక్క అతిపెద్ద సాహసం చేసింది.
తెలంగాణలో ప్రస్తుతం ఎన్నికల సీజన్ నడుస్తోంది. పార్టీలు, ప్రత్యర్థులు, అభ్యర్థులు ఇలా ఐదేళ్ల పండుగ వచ్చింది. యూట్యూబ్ వీడియోలతో బాగా పాపులర్ అయిన ఆమె తను ఎన్నికల్లో నిలబడితే అందరూ మద్దతిస్తారని అనుకుంది. గెలుపు దైవాదీనం వస్తుందా.. రాదా..? అనేది పక్కన పెడితే తమకు ఉన్న మద్దతు గురించి తెలుసుకోవాలనుకున్న ఆమె కొల్లాపూర్ నియోజకవర్గం నుంచి బరిలోకి దిగింది.
ప్రస్తుతం ఎన్నికల బరిలో కొట్లాడుతున్న ఆమె ‘ఈల’ గుర్తుపై ముమ్మర ప్రచారం చేస్తుంది. ఆమెను చూసిన కొందరు బర్రెలక్క శిరీషకు ఉన్న ధైర్యం వైఎస్సార్ టీపీ అధ్యక్షురాలు షర్మిలకు కూడా లేదపోయిందని మండిపడుతున్నారు. ఏది ఏమైనా పార్టీని పెట్టి చాలా మందిని అందులోకి లాగి.. తీరా ఎన్నికల వేల వైదొలగడం ఇబ్బంది కరమే అంటూ అభిప్రాయాలు వ్యక్తం అవుతున్నాయి.