TDP : బెల్లంకొండ మండలంలో వైఎస్ఆర్సిపి ఖాళీ – టిడిపిలో చేరిన ఆర్ అండ్ ఆర్ సెంటర్ 70 కుటుంబాలు

R&R Center 70 Families Joined TDP

TDP : ఈరోజు బెల్లంకొండ మండలం ఆర్ అండ్ ఆర్ సెంటర్ వైఎస్ఆర్సిపి పార్టీకి చెందిన ఎంపిటిసి భూక్య నరసింహ నాయక్ భూక్య శ్రావణి లతో పాటు 70 కుటుంబాలు  తెలుగుదేశం పార్టీలో చేరారు. ఈ సందర్భంగా వారికి ఎంపీ అభ్యర్థి లావు శ్రీకృష్ణదేవరాయులు, ఉమ్మడి ఎమ్మెల్యే అభ్యర్థి భాష్యం ప్రవీణ్ లు పార్టీ కండువా కప్పి తెలుగుదేశం పార్టీలోకి ఆహ్వానించారు. అనంతరం ఎంపీ అభ్యర్థి లావు శ్రీకృష్ణదేవరాయులు, ఉమ్మడి ఎమ్మెల్యే అభ్యర్థి భాష్యం ప్రవీణ్ లు మాట్లాడారు.

టిడిపి అధినేత చంద్రబాబు, జనసేన అధ్యక్షులు పవన్ కళ్యాణ్, బిజెపి ముఖ్య నేతలతో విడుదల చేసిన ‌మేనిఫెస్టో గురించి వివరించారు. మేనిఫెస్టో గురించి మహిళలకు, యువతకు వివరించాలని టీడీపీ, జనసేన, బీజేపీ నాయకులకు సూచించారు. రాష్ట్రంలో టీడీపీ, జనసేన, బీజేపీ కూటమి అభ్యర్థులను గెలిపించేందుకు ఎన్డీయే కూటమి నాయకులు, కార్యకర్తలు శాయశక్తులా కృషి చేయాలని కోరారు.

ఈ కార్యక్రమంలో తెలుగుదేశం – జనసేన – బిజెపి పార్టీ నాయకులు, కార్యకర్తలు, మహిళలు పెద్ద ఎత్తున పాల్గొన్నారు.