YS Sharmila : కాంగ్రెస్ లో చేరిన వైఎస్ఆర్టీపీ అధ్యక్షురాలు వైఎస్ షర్మిలకు అధిష్టానం కీలక బాధ్యతలు అప్పగించనున్నట్టు తెలుస్తోంది. ఈ మేరకు కాంగ్రెస్ లో ఒక నిర్ణయానికి వచ్చినట్టు సమాచారం.
వైఎస్ఆర్టీపీ అంటూ తెలంగాణలో రాజకీయం మొదలుపెట్టిన షర్మిల పార్టీ కోసం చాలా కష్టపడ్డారు. 3200 కి.మీలు పాదయాత్ర చేపట్టారు. అయితే పార్టీకి హైప్ రాకపోవడంతో పార్టీని కాంగ్రెస్ లో విలీనం చేశారు. ఇటీవల తెలంగాణ ఎన్నికల్లో కాంగ్రెస్ కు మద్దతు ఇచ్చిన షర్మిలకు పార్టీ అధిష్టానం ఏపీ కాంగ్రెస్ బాధ్యతలు అప్పగించనున్నట్టు సమాచారం.
ఇక తాజాగా తెలంగాణ సీఎం రేవంత్ రెడ్డిని కలిసిన షర్మిల తన కుమారుడి పెళ్లికి సీఎంను ఆహ్వానించారు. ఈ సందర్బంగా షర్మిలకు ఏపీకాంగ్రెస్ బాధ్యతలు అప్పగించబోతున్నారని.. ఈ మేరకు కాంగ్రెస్ అధిష్టానం నిర్ణయించిందని సీఎం రేవంత్ రెడ్డి తెలిపారు.
దీంతో ఏపీలో కాంగ్రెస్ ను లీడ్ చేస్తూ అధికారంలోకి తీసుకొస్తే షర్మిల ఏకంగాఏపీ సీఎం కూడా అయ్యే అవకాశాలు ఉంటాయి.