Jr NTR : హైదరాబాద్ ఆర్టీవో కార్యాలయానికి యంగ్ టైగర్..
Jr NTR
Jr NTR : యంగ్ టైగర్ జూనియర్ ఎన్టీఆర్ ఖైరతాబాద్ లోని హైదరాబాద్ ఆర్టీవో (రీజనల్ ట్రాన్స్ పోర్ట్ ఆఫీస్) కార్యాలయానికి బుధవారం (ఏప్రిల్ 03) రోజున వచ్చారు. ఆయన కార్యాలయం నుంచి బయటకు వస్తున్న వీడియో ఇన్ స్టాలో పోస్ట్ కావడంతో వైరల్ గా మారింది. అయితే యంగ్ టైగర్ తన కొత్త కారును రిజిస్ట్రేషన్ చేసుకునేందుకు వచ్చినట్లు తెలుస్తోంది. యంగ్ టైగర్ కు కార్యాలయ సిబ్బంది స్వాగతం పలికారు. అనంతరం తను వచ్చిన పనిని దగ్గరుండి చేయించారు.
ప్రస్తుతం యంగ్ టైగర్ కొరటాల శివ దర్శకత్వంలో ‘దేవర’ సినిమా చేస్తున్నారు. ఈ సినిమాకు సంబంధించి హైదరాబాద్ లో షెడ్యూల్ పూర్తవడంతో ఇటీవల గోవాకు షూటింగ్ ను షిఫ్ట్ చేశారు. గోవా బీచ్ లో ఎన్టీఆర్ దిగిన వీడియో కొన్ని రోజుల ముందు ఎక్స్ (ట్విటర్)లో పోస్ట్ చేశారు.
యంగ్ టైగర్ బ్లాక్ లాంగ్ స్లీవ్ టీ షర్ట్, బ్లూ డెనిమ్స్ ధరించి కనిపించాడు. సన్ గ్లాసెస్, బ్లాక్ అండ్ వైట్ స్నీకర్స్ తో సూపర్ లుక్స్ కనబరిచాడు.
View this post on Instagram
యంగ్ టైగర్ కు లంబోర్ఘిని ఉరుస్ నుంచి పోర్షే వరకు కారు కలెక్షన్ ఉంది. మెర్సిడెస్ బెంజ్ జీఎల్ఎస్, రేంజ్ రోవర్ వోగ్, బీఎండబ్ల్యూ 7 సిరీస్ కార్లకు ఆయన తన షెడ్ లో పెట్టుకున్నాడు.
ఎన్టీఆర్ ప్రస్తుతం కొరటాల శివ దర్శకత్వంలో చేస్తున్న ‘దేవర’ రెండు భాగాలుగా తెరకెక్కిస్తున్నట్లు ప్రకటించారు. ప్రస్తుతం ఈ సినిమాలో యంగ్ టైగర్ బిజీగా ఉన్నారు. 2023 క్రిస్మస్, న్యూ ఇయర్ సందర్భంగా కొన్ని రోజులు ఆగిపోయిన షూటింగ్ జనవరి 1న కొత్త పోస్టర్ ను రిలీజ్ చేసిన తర్వాత తిగిరి ప్రారంభమైంది. జనవరి 8న ఫస్ట్ గ్లింప్స్ ను కూడా విడుదల చేసిన విషయం తెలిసిందే.
అక్టోబర్ 10వ తేదీ ‘దేవర’ మొదటి భాగం థియేటర్లలోకి రానుంది. ఈ చిత్రంలో ఎన్టీఆర్ సరసన జాన్వీ కపూర్, సైఫ్ అలీఖాన్ నటిస్తున్నారు.