Tollywood Hero:స‌హ‌జంగానే యువ‌హీరోలు ఒదిగి ఉంటారు. నిర్మాత ఫ్రెండ్లీగా స‌హ‌క‌రిస్తుంటారు. అన‌వ‌సర‌మైన హంగామాకు వెళ్ల‌కుండా కెరీర్‌పైనే ఫోక‌స్ పెడుతుంటారు. కానీ ఈ యంగ్ హీరో అందుకు భిన్నంగా ఉన్నాడ‌న్న‌ది ఫిలింన‌గర్ టాక్. ఇటీవ‌లి కాలంలో సరైన సినిమా ప‌డ‌క ఇబ్బందిప‌డుతున్న స‌దరు హీరోగారు సరైన బ్లాక్ బ‌స్ట‌ర్ తో ఈ స‌న్నివేశం నుంచి బ‌య‌ట‌ప‌డాల్సి ఉంది. ఇలాంటి స‌మ‌యంలో ఎంతో జాగ్ర‌త్త‌గా ఉండాల్సింది పోయి, ఇప్పుడు ఆన్ లొకేష‌న్ నిర్మాత‌ల‌ను ఇబ్బందుల‌కు గురి చేయ‌డం గుస‌గుస‌ల‌కు తావిస్తోంది.
ప్ర‌స్తుతం విదేశాల్లో షూటింగ్ కి షెడ్యూల్ చేసిన టీమ్ హీరో గారి రాక కోసం ప‌డిగాపులు ప‌డుతోంద‌ని స‌మాచారం. సెట్లో అంద‌రూ టంచ‌నుగా టైమ్ కి వ‌చ్చి, హీరో రాక కోసం వేచి చూడాల్సిన పరిస్థితి క‌నిపిస్తోందట. కొద్ది రోజులుగా ఆ హీరో గారు మ‌ధ్యాహ్నం అయితే కానీ సెట్ కి రావ‌డం లేద‌ని, దీంతో సిబ్బంది అంతా వేచి చూసి విసిగిపోవాల్సిన పరిస్థితి ఉంద‌ని చెబుతున్నారు.
అంతేకాదు.. హీరో ఆల‌స్యంగా వ‌స్తుంటే అత‌డితో పాటు హీరోయిన్ కూడా ఆల‌స్యంగా రావ‌డం మొద‌లుపెట్టింద‌ట. దీంతో నిర్మాత‌ల‌కు ఏం చేయాలో పాలుపోని పరిస్థితి ఉంద‌ని చెబుతున్నారు. అస‌లింత‌కీ హీరోగారి స‌మ‌స్య ఏమిట‌న్న‌ది ఎవ‌రికీ అర్థం కావ‌డం లేదు. అత‌డు ఆల‌స్యంగా షూటింగుకి వ‌స్తుండ‌డంతో షెడ్యూల్ ని పొడిగించాల్సిన పరిస్థితి క‌నిపిస్తోంది. విదేశీ షెడ్యూల్ గ‌నుక ఆ మేర‌కు కాస్ట్ అదుపు త‌ప్పుతోంద‌ని కూడా నిర్మాత క‌ల‌త చెందుతున్నారు. అంతేకాదు.. కొన్ని రోజులుగా హీరో ఆల‌స్యంగా సెట్ కి వ‌స్తుండ‌డంతో ఇప్పుడు మరో అద‌న‌పు షెడ్యూల్ ని పొడిగించాల్సిన పరిస్థితి ఉంద‌ని, ఆ మేర‌కు ప్రొడ‌క్ష‌న్ కాస్ట్ పెరిగింద‌ని కూడా చెబుతున్నారు.
హీరో గారు వృత్తిగ‌త నిబ‌ద్ధ‌త పాటించ‌క‌పోవ‌డంతో దర్శకనిర్మాతలకు చిరాకు పెరుగుతోంద‌ని కూడా చెబుతున్నారు. ఏది ఏమైనా ఆ హీరో అలా ప్ర‌వ‌ర్తించాల్సింది కాద‌ని వాపోతున్నారు. హీరోతో దర్శకనిర్మాతలకు క‌ల‌త‌లు పెరుగుతున్నాయ‌ని తెలిసింది. ప‌రిశ్ర‌మ‌లో వరుస విజ‌యాల‌తో దూకుడుమీదున్న చాలా మంది హీరోలు కూడా ఎంతో ఒదిగి ఉంటున్నారు. ప్ర‌తి సినిమాతో విజ‌యం సాధించాల‌ని త‌పిస్తున్నారు. కానీ అందుకు భిన్నంగా ఈ యువ‌హీరో వ్య‌వ‌హారికం క‌నిపిస్తోంద‌ని చెబుతున్నారు.