young actress
young actress : మెగాస్టార్ చిరంజీవి సినిమాలో నటించడానికి ఒక్క అవకాశం రావాలని చాలామంది నటీనటులు ఎదురుచూస్తుంటారు. మెగా హీరో పక్కన అవకాశం వచ్చిందంటే ఎగిరి గంతేసినంత పనిచేస్తారు. ఇప్పటికీ సీనియర్, జూనియర్ నటులు ఆయన ఆశీర్వాదం కోసం ఎదురు చూస్తుంటారు. తెలుగు చిత్ర పరిశ్రమకు ఒక దిక్సూచిలా ప్రస్తుతం మెగాస్టార్ చిరంజీవి ఉన్నారు. తెలుగు ఇండస్ర్టీలో ఆయనకంటూ ఒక ప్రత్యేక స్థానాన్ని క్రియేట్ చేసుకున్నారు. ఆయన అభిమానుల్లో టాప్ హీరోలు, హీరోయిన్లు కూడా ఉన్నారు. ఇక ఆయన సినిమాలో నటించే అవకాశం వస్తే ఎవరు కాదంటారు చెప్పండి.. అయితే ఇక్కడ అదే జరిగింది. ఓ నటి ఆయన సరసన నటించేందుకు నో చెప్పేసిందట. అయితే కథ నచ్చక వదులుకుందా.. లేదంటే ఇదంతా పుకారేనా అనేది తెలియాల్సి ఉంది. సదరు హీరోయిన్, ఆమె టీం అధికారికంగా స్పందిస్తే తప్ప నిజమేంటో తెలియదు.
మెగాస్టార్ చిరంజీవి సినిమాలో నటించే అవకాశం యువ హీరోయిన్ శ్రీలీలకు వచ్చిందట. భారీ రెమ్యునరేషన్ ఇస్తామని చెప్పినా ఆమె అయిష్టత చూపినట్లు సమాచారం. అతి తక్కువ సమయంలో స్టార్ హీరోయిన్ గా ఎదిగిన శ్రీలీల.. ఎన్నో చిత్రాలతో విజయాలను అందుకుంది. బాలకృష్ణ, మహేశ్ బాబు, రవితేజలాంటి స్టార్ హీరోల సరసన నటించింది. ఇక గత సినిమాల విషయంలో జరిగిన కొన్ని తప్పులను సరి చేసుకోవాలని చూస్తున్నదట. పెండ్లి సందడి సినిమాతో టాలీవుడ్ లో అడుగుపెట్టిన ఈ అమ్మడు తరువాత వరుస సినిమాలతో అలరించింది. అందం, అభినయం, డ్యాన్స్ తో విశేషంగా ఆకట్టుకుంది. కెరీర్ లో ఎదురైన ప్లాప్ లను దృష్టిలో పెట్టుకొని సినిమాల ఎంపికలో ఆమె కొన్ని జాగ్రత్తలను తీసుకుంటున్నట్ల సమాచారం.
ఇక మెగాస్టార్ సినిమా ఆఫర్ ను శ్రీలీల వదులుకుందని తెలిసి ఆమె అభిమానులు నిరాశకు లోనవుతున్నారట. మెగాస్టార్ ప్రస్తుతం విశ్వంభర సినిమాలో నటిస్తున్నాడు. త్రిష, ఆషికా రంగనాథ్ ఆయన సరసన నటిస్తున్నారు. భారీ బడ్జెట్ మూవీగా తెరకెక్కుతున్న ఈసినిమాను సోషియో ఫాంటసీగా దర్శకుడు వశిష్ఠ రూపొందిస్తున్నాడు.