Trisha remuneration for ‘Vishwambhara’
Trisha : ‘భోళా శంకర్’ వంటి డిజాస్టర్ ఫ్లాప్ తర్వాత మెగాస్టార్ చిరంజీవి హీరోగా నటిస్తున్న చిత్రం ‘విశ్వంభర’. ‘బింభిసార’ డైరెక్టర్ వసిష్ఠ దర్శకత్వం లో తెరకెక్కుతున్న ఈ సినిమా మీద మెగా ఫ్యాన్స్ లో భారీ అంచనాలు ఉన్నాయి. అంటే కాకుండా టైటిల్ ప్రకటన రోజు విడుదల చేసిన వీడియో కి కూడా బంపర్ రెస్పాన్స్ వచ్చింది. సినిమా చూస్తుంటే చాలా క్వాలిటీ గా అనిపిస్తుంది.
మెగాస్టార్ చిరంజీవి రేంజ్ కి తగ్గ సినిమా అంటే ఇదే అంటూ మెగా అభిమానులు పండగ చేసుకున్నారు. రీ ఎంట్రీ తర్వాత చిరంజీవి కి బాగా కలిసి వచ్చిన సంక్రాంతి కి ఈ సినిమాని కూడా విడుదల చేయబోతున్నారట. జనవరి 10 వ తారీఖున తెలుగు, హిందీ మరియు తమిళం భాషల్లో గ్రాండ్ గా విడుదల చేయబోతున్నట్టు సమాచారం. సోషియో ఫాంటసీ చిత్రం కావడం తో ఈ సినిమాకి నార్త్ ఇండియా లో కూడా దుమ్ము లేచిపోయే రేంజ్ వసూళ్లు వాతాయని అంటున్నారు ఫ్యాన్స్.
ఇకపోతే ఈ సినిమాలో ముగ్గురు హీరోయిన్స్ ఉంటారని, అందులో ఒక హీరోయిన్ గా త్రిష చేస్తుందని గత కొంత కాలంగా సోషల్ మీడియా లో ఒక రూమర్ ప్రచారం అవుతూ ఉన్నింది. అయితే అది రూమర్ కాదు, నిజమే అని ఈరోజు తేలింది. నేడు విశ్వంభర మూవీ సెట్స్ లోకి త్రిష అడుగుపెట్టగా చిరంజీవి ఆమెకి పూల బొకే ని ఇచ్చి సాధారణంగా ఆహ్వానించాడు. ఇందులో ఆమె దేవకన్య పాత్ర చేస్తున్నట్టుగా తెలుస్తుంది. మూడు లోకాల మధ్యలో జరిగే కథగా ఈ చిత్రాన్ని తెరకెక్కిస్తున్నాడు డైరెక్టర్. అయితే ఈ సినిమాలో హీరోయిన్ గా నటించేందుకు ఆమె ఏకంగా 8 కోట్ల రూపాయిల రెమ్యూనరేషన్ ని డిమాండ్ చేసినట్టు తెలుస్తుంది.
తమిళం లో ఈమె ఇప్పుడు ఒక్కో సినిమాకి నాలుగు నుండి 5 కోట్ల రూపాయిల రెమ్యూనరేషన్ ని అందుకుంటుంది. కానీ తెలుగు లో మాత్రం అందుకు డబుల్ రేంజ్ రెమ్యూనరేషన్ డిమాండ్ చెయ్యడం పై సోషల్ మీడియా లో నెటిజెన్స్ మండిపడుతున్నారు. తెలుగు సినిమా అంటే అంత చులకనా?, నీకు ఈ ఇండస్ట్రీ ఎన్నో ఇచ్చింది, ఎన్నో బ్లాక్ బస్టర్ హిట్స్ ని అందించింది , ఇప్పటికీ నిన్ను తెలుగు ప్రేక్షకులు ఎంతో ఆదరిస్తున్నారు. అలాంటి ఇండస్ట్రీ అంటే ఎందుకు అంత చిన్న చూపు అని ప్రశ్నిస్తున్నారు.