Astrologer Venu Swamy : నువ్వు గొప్పొడివి ‘స్వామి’..పగలేమో జ్యోతిష్య నీతులు..రాత్రేమో పబ్ లో సుక్కా, ముక్కా
Astrologer Venu Swamy
Astrologer Venu Swamy : ప్రముఖ జ్యోతిషుడు వేణు స్వామి గురించి తెలియని ప్రత్యేకంగా చెప్పాల్సిన పనిలేదు. ఆయనంటే రెండు తెలుగు రాష్ట్రాల్లోని వారికి పరిచయం ఉంది. సినీ, రాజకీయ ప్రముఖుల జాతకాలు చెబుతూ బాగా పాపులారిటీ సంపాదించుకున్నారు. మరీ ముఖ్యంగా నాగ చైతన్య, సమంత జంట వీడిపోతారని ముందుగానే చెప్పి సంచలనంగా మారిపోయారు. వీరితో పాటు పలువురు సెలబ్రిటీల గురించి వేణు స్వామి చెప్పింది చెప్పినట్టుగా జరగడంతో..సోషల్ మీడియాలో ఆయనో బిగ్ సెలబ్రిటీ అయిపోయారు. అయితే ఆయన ఎన్నికల్లో విషయంలో చెప్పిన జాతకాలు ఫెయిల్ కావడంతో తీవ్ర విమర్శలతో పాటు.. బాగా ట్రోలింగ్ కు గురయ్యారు.
తెలంగాణలో కేసీఆర్, ఏపీలో జగన్‌లు కచ్చితంగా సీఎంలు అవుతారని వేణు స్వామి చెప్పిన జాతకం బెడిసికొట్టింది. దీంతో వేణుస్వామి పై నెటిజన్లు ఓ రేంజ్‌లో ఫైర్ అయ్యారు. దీంతో ఇక మీదట తాను ప్రిడిక్షన్ చెప్పనని సోషల్ మీడియా వేదికగా ఓ వీడియో వదిలారు. ఒకపక్క ఆయన జాతకాలు ఫెయిల్ అవుతున్నాయని తెలిసినప్పటికీ కూడా సెలబ్రిటీలు ఆయనను మాత్రం వదలడం లేదు. గతంలో డింపుల్ హయాతి, రష్మిక, నిధి ఆగర్వాల్ వంటి హీరోయిన్లు వేణు స్వామి చేత జాతక దోష నివారణ పూజలు చేయించుకున్నారు. దీనిని బట్టి ఆయన ప్రభావం ఏ స్థాయిలో ఉందో అర్థం చేసుకోవచ్చు.
తాజాగా కన్నడ ఇండస్ట్రీకి చెందిన కొందరు హీరోయిన్లు వేణు స్వామితో పూజలు చేయించుకున్నారు. తాజాగా కన్నడ హీరోయిన్ నిశ్విక వేణు స్వామి దగ్గరకు వచ్చి పూజలు చేయించుకున్నారు. ఇది ఇలా ఉంటే వేణు స్వామి ప్రస్తుతం పబ్ లో మందు కొడుతూ అడ్డంగా బుక్ అయ్యాడు. పబ్ లో కూర్చుని సుక్క, ముక్క మాంచి హుషారైన పాటలు వస్తుంటే మజా చేస్తూ కెమెరాకు చిక్కాడు. సోషల్ మీడియాలో అందుకు సంబంధించిన ఓ వీడియో తెగ వైరల్ అవుతోంది. దీనిని చూసిన నెటిజన్లు ఏం స్వామి నీలో ఈ యాంగిల్ కూడా ఉందా అంటూ సెటైరికల్ గా కామెంట్స్ చేస్తున్నారు. ‘‘చెప్పేవి శ్రీరంగనీతులు దూరేవి..’’ అన్నట్టుగా ఉంది సెలబ్రిటీ జ్యోతిషుడి కథ అంటూ తిట్టిపోస్తున్నారు. జ్యోతిషుడు అంటే ఆ స్థాయి హుందాతనాన్ని మెయింటెన్ చేయాలి..ఇలా పబ్ లో మందు కొట్టే జ్యోతిషుడిని ఏమనాలో జనాలు తేల్చుకోవాలంటున్నారు.