Rajasaab : 17 ఏళ్ల తర్వాత కలుస్తున్న ‘యోగి’ జోడీ.. రాజాసాబ్ లో నయన్ స్పెషల్ సాంగ్
Rajasaab
Rajasaab : పాన్ ఇండియా స్టార్ ప్రభాస్ గత రెండేళ్లలో మూడు సినిమాలు రిలీజ్ చేశారు. ‘ఆదిపురుష్’, ‘సలార్’, ‘కల్కి 2898ad’ సినిమాలతో కలిపి రూ.2200 కోట్లకు పైగా వసూళ్లు సాధించాడు… హిట్లు ఫ్లాపులతో సంబంధం లేకుండా వరుస సినిమాలను అనౌన్స్ చేస్తూ తెగ బిజీగా గడుపుతున్నారు. ప్రస్తుతం ప్రభాస్ ఓ చిన్న సినిమాగా రూ.100 కోట్ల బడ్జెట్‌తో మొదలెట్టిన ‘రాజా సాబ్’ మూవీ, ఇప్పుడు మెల్లిమెల్లిగా పెరిగి రూ.400 కోట్లకు చేరింది. గ్రాఫిక్స్ కోసమే భారీగా ఖర్చు పెట్టనున్నట్లు తెలుస్తోంది. ‘రాజా సాబ్’ సినిమాలో నిధి అగర్వాల్, మాళవిక మోహనన్‌ హీరోయిన్లుగా నటిస్తున్న విషయం తెలిసిందే. తాజాగా ‘రాజా సాబ్’ మూవీలో లేడీ సూపర్ స్టార్ నయన్‌తార, ఓ స్పెషల్ సాంగ్ చేయబోతున్నట్టు వార్త తెగ వైరల్ అవుతోంది..
ప్రభాస్‌తో వీవీ వినాయక్ దర్శకత్వంలో వచ్చిన ‘యోగి’ సినిమాలో నయన్ ప్రభాస్ జోడీగా కనిపించారు. కోలీవుడ్ స్టార్ హీరో ధనుష్ నటించిన సూపర్ హిట్ ‘జోగి’ రీమేక్‌గా వచ్చిన ‘యోగి’ మూవీతో తెలుగులో ఫ్లాప్ అయ్యింది.. ఈ సినిమా తర్వాత ప్రభాస్‌తో కలిసి నటించలేదు నయన్. ‘బిల్లా’ తమిళ్ రీమేక్‌లో టూ పీస్ బికినీ వేసిన నయన్, తెలుగులో ప్రభాస్ మూవీలోనూ చేయాల్సింది. అయితే ‘యోగి’ మూవీ రిజల్ట్ కారణంగా ఆమె ప్లేస్‌లో అనుష్క శెట్టి చేసింది.. పెళ్లైన తర్వాత చాలా పద్ధతైన పాత్రలను ఎంచుకుంటున్న నయన్‌తార, ఐటెం సాంగ్‌లో డ్యాన్స్ చేస్తుందా? అనేది ఇప్పుడు చాలా పెద్ద విషయం. ఎందుకంటే నయన్, తమిళ్, మలయాళంలో ఏకంగా ఐదు సినిమాలతో బిజీగా ఉంది..