YV Subbareddy : 150కి పైగా స్థానాల్లో వైసీపీ గెలుస్తుంది: వైవీ సుబ్బారెడ్డి

YV Subbareddy

YV Subbareddy : ఈసారి ఎన్నికల్లో వైసీపీ విజయం ఖాయమని, వైసీపీ 150 సీట్లు గెలువబోతోందని ఎంపీ వైవీ సుబ్బారెడ్డి చెప్పారు. ముఖ్యమంత్రిగా వైఎస్ జగన్ మోహన్ రెడ్డి విశాఖపట్నంలో ప్రమాణ స్వీకారం చేస్తారని జోస్యం చెప్పారు. జూన్ 9న ఉదయం 9.30కు విశాఖపట్నంలో వైఎస్ జగన్ రెండోసారి సీఎంగా ప్రమాణ స్వీకారం చేస్తారని ఆయన ధీమా వ్యక్తం చేశారు. మే 13వ తేదీ జరిగిన పోలింగ్ సరళి గమనిస్తే వైసీపీదే విజయమని తెలుస్తుందన్నారు. వృద్ధులు, మహిళలు, వికలాంగులు పెద్ద సంఖ్యలో వచ్చి వైసీపీకి ఓటు వేశారని చెప్పారు.

ఎన్నికల్లో విజయం మీద టీడీపీ కూటమి కూడా ధీమా వ్యక్తం చేస్తోంది. 130 నుంచి `40 స్థానాల్లో టీడీపీ, బీజేపీ, జనసేన కూటమి బీరాలు పలుకుతున్నారంటూ విమర్శలు చేస్తున్నారు. భారీగా పోలింగ్ శాతం నమోదు కావడంతో పోలింగ్ సరళి ఎవరికీ అంతుబట్టకుండా ఉంది. ఏపీ ఓటర్లు ఎవరిని ఆశీర్వదించాలో తెలియాలంటే జూన్ నాలుగో తేదీ వరకూ ఆగాల్సిందే.