– వైసీపీని వీడిన 56 కుటుంబాలు
Vannayapalem
Vannayapalem : ఈరోజు బెల్లంకొండ మండలం వన్నాయపాలెం గ్రామానికి చెందిన 56 కుటుంబాలు వైసిపిని వీడి తెలుగుదేశం పార్టీలోకి చేరాయి. ఈ సందర్భంగా వారికి ఎంపీ అభ్యర్థి లావు శ్రీకృష్ణదేవరాయులు, ఉమ్మడి ఎమ్మెల్యే అభ్యర్థి భాష్యం ప్రవీణ్ లు పార్టీ కండువా కప్పి తెలుగుదేశం పార్టీలోకి ఆహ్వానించారు. అనంతరం ఎంపీ అభ్యర్థి లావు శ్రీకృష్ణదేవరాయులు, ఉమ్మడి ఎమ్మెల్యే అభ్యర్థి భాష్యం ప్రవీణ్ లు మాట్లాడారు.
మేనిఫెస్టో గురించి మహిళలకు, యువతకు వివరించాలని టీడీపీ, జనసేన, బీజేపీ నాయకులకు సూచించారు. రాష్ట్రంలో టీడీపీ, జనసేన, బీజేపీ కూటమి అభ్యర్థులను గెలిపించేందుకు ఎన్డీయే కూటమి నాయకులు, కార్యకర్తలు శాయశక్తులా కృషి చేయాలని కోరారు. ఈ కార్యక్రమంలో తెలుగుదేశం, జనసేన, బిజెపి పార్టీ నాయకులు, కార్యకర్తలు, యువత పెద్ద ఎత్తున పాల్గొన్నారు.