actress Jatwani
actress Jatwani : బాలీవుడ్ నటి జత్వానీ తాను ఎలా వేధింపులకు గురైంది ఓ న్యూస్ ఛానల్ కు ఇచ్చిన ఇంటర్వ్యూలో వెల్లడించారు. వైసీపీ నేత, జగన్ ప్రియ శిష్యుడు కుక్కల విద్యాసాగర్ తనకు న్యూడ్ ఫొటోలు పంపించి వేధించాడని ఆమె చెప్పింది. తనను వైసీపీ గ్యాంగ్ ఎలా వేధించిందో తెలిపింది. పోలీసులతో తప్పుడు కేసు పెట్టించి తమను వేధించారని, చనిపోవడం తప్ప, అన్ని రకాల బాధలు అనుభవించామని హీరోయిన్ జత్వాని కన్నీటి పర్యంతమయ్యారు.
కుక్కల విద్యాసాగర్ పెట్టిన తప్పుడు కేసులో విమానాల్లో వెళ్లి మరీ జత్వానీ కుటుంబాన్ని పట్టుకొచ్చిన విజయవాడ పోలీసులు ఆ కుటుంబాన్ని 40 రోజుల పాటు వేధించారు. తర్వాత కేసు పెట్టి జైల్లో ఉంచారు. ఆ తర్వాత అన్ని డాక్యుమెంట్లపై సంతకం పెట్టిన 40 రోజులకు బెయిల్ ఇచ్చారని ఆమె తెలిపింది. ఆ నలభై రోజుల కాలంలో పోలీసులు అత్యంత ఘోరమైన చర్యలకు పాల్పడ్డారని, వారి ఆస్తుల్ని, బ్యాంకు అకౌంట్లను కూడా సీజ్ చేశారని చెప్పింది. తినడానికి కూడా డబ్బులు లేకుండా చేసి ఆకలితో అలమటించేలా చేయడంతో వారు మానసికంగా కుంగిపోయారని జత్వాని ఆ ఇంటర్వ్యూలో ఏడ్చింది.