YCP Candidates: Jogi Ramesh
YCP Candidates : ఎన్నికల నేపథ్యంలో ఆంధ్రప్రదేశ్‌లో రాజకీయాలు వేడెక్కుతున్నాయి. అతిపెద్ద పార్టీలు అభ్యర్థులను ప్రకటించాయి. అందరూ ఎన్నికల ప్రచారంలో బిజీగా ఉన్నారు. వారం రోజుల్లో నామినేషన్ల ప్రక్రియ ప్రారంభం కానుంది. సోషల్ నెట్‌వర్క్‌లలో ఆసక్తికర చర్చ నడుస్తోంది. వైఎస్సార్సీపీ అభ్యర్థులను మారుస్తుందంటూ సోషల్ మీడియాలో ఓ లిస్ట్‌ హల్‌చల్‌ చేస్తోంది. కొన్ని స్థానాలను మార్చే ఆలోచనలో వైఎస్సార్సీపీ నాయకత్వం ఉందని కొందరు ట్వీట్లు చేస్తున్నారు. వైఎస్సార్సీపీ అధికారికంగా ఎలాంటి ప్రకటన చేయలేదు.
మైలవరంలో వైఎస్సార్సీపీ అసెంబ్లీ అభ్యర్థిగా జోగి రమేష్ నామినేషన్‌ వేస్తారని సోషల్ మీడియాలో చర్చ జరుగుతోంది. సిట్టింగ్ ఎమ్మెల్యే వసంత కృష్ణ ప్రసాద్ టీడీపీలో చేరడంతో ఇక్కడి నుంచి సర్నాల తిరుపతిరావును అభ్యర్థిగా వైఎస్సార్సీపీ ప్రకటించింది. అయితే జోగి రమేష్‌కు అవకాశం ఇవ్వాలని అంటున్నారు. విజయవాడ పశ్చిమ నుంచి వైసీపీ అభ్యర్థిగా పోతిన మహేశ్‌ బరిలోకి దిగుతారనే చర్చ కూడా సాగుతోంది. బుధవారం ఆయన జనసేన పార్టీని వీడి వైఎస్సార్సీపీలో చేరారు. ప్రస్తుతం ఇక్కడ వైఎస్సార్సీపీ అభ్యర్థిగా షేక్‌ ఆసిఫ్‌ ఉన్నారు.
మరోవైపు గుంటూరు వైఎస్సార్సీపీ అభ్యర్థిగా విడదల రజినీ, గుంటూరు పశ్చిమ ఎమ్మెల్యే కిలారు రోశయ్య స్థానంలో పోటీ చేసే అవకాశం ఉంది. పొన్నూరు సిట్టింగ్ ఎమ్మెల్యే కిలారు రోశయ్య. చిలకలూరిపేట సిట్టింగ్ ఎమ్మెల్యే విడదల రజిని. వైఎస్సార్సీపీ పార్లమెంటరీ అభ్యర్థిగా కిలార రోశయ్యను, గుంటూరు పశ్చిమ అభ్యర్థిగా విడదల రజినీని ప్రకటించిన సంగతి తెలిసిందే. మరోవైపు మరికొన్ని స్థానాలకు అభ్యర్థులను భర్తీ చేస్తారనే ప్రచారం సాగుతోంది.