Yatra-2 Jiiva : సీఎం జగన్ ని హిట్లర్ తో పోల్చిన ‘యాత్ర 2 ‘ హీరో జీవా!

‘Yatra 2’ hero Jiiva viral comments

Yatra-2 Jiiva : సీఎం జగన్ రాజకీయ జీవితం ని ఆధారంగా తీసుకొని ప్రముఖ దర్శకుడు మహి వి రాఘవ్ తెరకెక్కించిన యాత్ర 2 చిత్రం నేడు ప్రపంచవ్యాప్తంగా గ్రాండ్ గా విడుదలై పాజిటివ్ రెస్పాన్స్ ని దక్కించుకుంది. ఓపెనింగ్స్ కూడా చాలా బాగున్నాయి. అనేక సన్నివేశాలు హృదయానికి హత్తుకునే విధంగా తీసి, జగన్ అంటే ఇష్టం లేనోళ్ళు కూడా ఇష్టపడే రేంజ్ లో ఈ చిత్రాన్ని తెరకెక్కించాడు డైరెక్టర్.

బ్రేక్ ఈవెన్ టార్గెట్ కూడా చాలా తక్కువగా ఉండడం వల్ల ఈ సినిమా కచ్చితంగా కమర్షియల్ గా పెద్ద బ్లాక్ బస్టర్ హిట్ అవుతుందని అంటున్నారు ట్రేడ్ పండితులు. ఇకపోతే ఈ సినిమాలో హీరో గా ‘జీవా’ నటించిన సంగతి తెలిసిందే. మెగా సూపర్ గుడ్ ఫిలిమ్స్ అధినేత ఆర్బీ చౌదరి కుమారుడు ఈయన. తమిళం లో ఎన్నో సూపర్ హిట్ సినిమాల్లో హీరో గా నటించాడు. అప్పట్లో ఈయన హీరో గా నటించిన ‘రంగం’ చిత్రం కమర్షియల్ గా పెద్ద బ్లాక్ బస్టర్ హిట్ అయ్యింది.

ఈ సినిమా తర్వాత ఆయన ఎన్నో సినిమాలను తెలుగు లో దబ్ చేసి వదిలాడు కానీ, ఒక్కటి కూడా కమర్షియల్ గా సక్సెస్ అవ్వలేదు. కానీ శంకర్ దర్శకత్వం లో హీరో విజయ్ తో కలిసి నటించిన ‘స్నేహితుడు’ అనే చిత్రం మాత్రం కమర్షియల్ గా తెలుగు లో పర్వాలేదు అనే రేంజ్ లో ఆడింది. ఈ చిత్రం తర్వాత మళ్ళీ ఆయన సినిమా కోసం తెలుగు ప్రేక్షకులు ఎదురు చూసేలా చేసింది మాత్రం ‘యాత్ర 2 ‘ నే. ఈ సినిమా కోసం జీవా కి దాదాపుగా కోటి రూపాయిల వరకు రెమ్యూనరేషన్ ఇచ్చాడట నిర్మాత. అది కేవలం అడ్వాన్స్ మాత్రమే అని, సినిమా విడుదలై హిట్టైన తర్వాత మరికొంత రెమ్యూనరేషన్ ఇస్తామని అన్నారట.

ఇకపోతే ఈ సినిమా ప్రొమోషన్స్ లో ఒక యాంకర్ జీవా ని ఒక ప్రశ్న అడుగుతూ ‘మీరు సీఎం జగన్ పాత్ర పోషించారు కదా, ప్రతిపక్ష పార్టీల నుండి మీకు నెగటివిటీ ఏర్పడలేదా’ అని అంటుంది. దానికి జీవా సమాధానం చెప్తూ ‘నేను ఒక నటుడిని మాత్రమే, ఏ పాత్ర ని ఇచ్చినా చేస్తాను. ఇప్పుడు సీఎం జగన్ పాత్ర మాత్రమే కాదు, రేపు హిట్లర్ పాత్ర ఇచ్చి చెయ్యమన్నా చేస్తాను, అది నా వృత్తి’ అంటూ సమాధానం ఇచ్చాడు. ఆయన చెప్పిన సమాధానం కరెక్ట్ గానే ఉన్నప్పటికీ, హిట్లర్ తో పోల్చడం వల్ల జగన్ ఫ్యాన్స్ ఫైర్ అవుతున్నారు.