Akshay Kumar
Akshay Kumar : కొవిడ్ తర్వాత అక్షయ్ కుమార్ వరుస ఫ్లాపులను ఎదుర్కొంటుున్నారు. ఆయన కెరీర్ ను రెండుగా విభజిస్తే కొవిడ్ కు ముందు మంచి ఫామ్ లో ఉన్న బాలీవుడ్ హిట్ మిషిన్ కొవిడ్ తర్వాత బాలీవుడ్ ఫ్లాప్ మిషన్ గా మారాడు. ఈ మధ్య ఆయన చేసిన ప్రతీ సినిమా డిజాస్టర్ గానే మిగిలింది. అక్షయ్ కుమార్ కెరీర్ లో గడ్డు పరిస్థితిని ఎదుర్కొంటున్నప్పటికీ కొన్ని ప్రామిసింగ్ ప్రాజెక్ట్స్ లైన్ లో ఉన్నాయి. సీక్వెల్స్, ఫ్రాంచైజీ సినిమాలతో తిరిగి పుంజుకోవాలని ఆయన వ్యూహం పన్నుతున్నట్లు తెలుస్తోంది.
ఆయన నటించిన ‘జాలీ ఎల్ఎల్బీ3’ వచ్చే ఏడాది ప్రేక్షకుల ముందుకు రాబోతోంది. తాజా స మాచారం ప్రకారం ఈ చిత్రాన్ని ఏప్రిల్ లో విడుదల చేయనున్నట్టు మేకర్స్ ఆలోచిన్నట్లు తెలుస్తోంది. ఇదిలా ఉండగా, గీతు మోహన్ దాస్ దర్శకత్వంలో యష్, కియారా అద్వానీ, నయనతార, తారా సుతారియా, శృతి హాసన్, హ్యూమా ఖురేషి ప్రధాన పాత్రల్లో నటించిన ‘టాక్సిక్’ చిత్రం వాయిదా పడింది. టాక్సిక్ ఏప్రిల్ 10, 2025న విడుదల కావాల్సి ఉండగా, నటీనటులతో నెలకొన్న విభేదాల కారణంగా ఆలస్యమైంది.
ఈ ఆలస్యం తరువాత, డిస్నీ జాలీ ఎల్ఎల్బీ 3 కోసం ఏప్రిల్ 10 విడుదల తేదీని నిర్ధారించింది. బ్లాక్ బస్టర్ కేజీఎఫ్ సిరీస్ తర్వాత యష్ జాతీయ అవార్డు గ్రహీత గీతు మోహన్ దాస్ తో కలిసి టాక్సిక్ అనే హై ఆక్టేన్ గ్యంగ్‌స్టర్ యాక్షన్ చిత్రం కోసం కలిసిపోయారు. ఇటీవల చిత్రీకరణ ప్రారంభించిన ఈ చిత్రంలో కియారా అద్వానీ, నయనతార, తారా సుతారియా, శృతి హాసన్, హ్యూమా ఖురేషి తదితరులు నటిస్తున్నారు.
100 రోజులకు పైగా షూటింగ్, విజువల్ ఎఫెక్ట్స్ అవసరం కావడంతో విడుదల తేదీని వాయిదా వేసి టాప్ క్వాలిటీ ప్రొడక్ట్ అందించాలని దర్శకనిర్మాతలు నిర్ణయించారు. వరుస ఫ్లాపుల తర్వాత అక్షయ్ కుమార్ రీఎంట్రీ ఇస్తున్న చిత్రం జాలీ ఎల్ఎల్బీ 3. అక్షయ్ కుమార్, అర్షద్ వార్సీ ప్రధాన పాత్రల్లో సుభాష్ కపూర్ తెరకెక్కించిన జాలీ ఎల్ఎల్బీ 3 ఏప్రిల్ 10, 2025న థియేటర్లలోకి రానుంది.
మహావీర్ జయంతి సందర్భంగా గురువారం విడుదల కానున్న ఈ చిత్రం ఏప్రిల్ 14 సోమవారం అంబేడ్కర్ జయంతితో సహా ఐదు రోజుల పొడిగించిన వారాంతం నుండి ప్రయోజనం పొందుతుంది. జాలీ ఎల్ఎల్బీ 3 లాంటి ఫ్యామిలీ ఫ్రెండ్లీ కామెడీకి ఈ టైమింగ్ సరిపోతుంది.