PM Modi-Benjimin Netanyahu
PM Modi :భారతదేశంలో మూడో సారి ప్రభుత్వంలోకి వచ్చే నరేంద్రమోడీని ప్రపంచంలోని వివిధ దేశాల ప్రధానులు, ప్రెసిడెంట్లు, ఆయా దేశాల విదేశాంగ మంత్రులు శుభాకాంక్షలు చెప్తున్నారు.
బుధవారం (జూన్ 5) నరేంద్ర మోడీని చైనా అభినందించింది. పొరుగు దేశమైన భారత్ తో కలిసి పని చేయడానికి సిద్ధంగా ఉన్నట్లు పేర్కొంది. ‘స్థిరమైన చైనా-భారత్ బంధం ఇరుపక్షాల ఉమ్మడి ప్రయోజనాలను కలిగి ఉంది. ప్రపంచంలో శాంతి, అభివృద్ధికి కూడా అనుకూలంగా భారత్ ఉంటుంది.’ అని చైనా విదేశాంగ మంత్రిత్వ శాఖ ప్రతినిధి మావో నింగ్ సాధారణ విలేకరుల సమావేశంలో అన్నారు.
పాంగోంగ్ త్సో ప్రాంతంలో హింసాత్మక ఘర్షణ తర్వాత, మే 5, 2020న తూర్పు లడఖ్ సరిహద్దు ప్రతిష్టంభన చెలరేగినప్పటి నుంచి రెండు పొరుగు దేశాల మధ్య సంబంధాలు వాణిజ్యం కనిష్ట స్థాయికి చేరుకుంది. ప్రతిష్టంభనను పరిష్కరించేందుకు ఇరుపక్షాలు ఇప్పటి వరకు 21 రౌండ్ల సైనిక చర్చలు జరిపాయి. ద్వైపాక్షిక సంబంధాలను మెరుగుపరిచేందుకు ఇరు పక్షాలు కృషి చేస్తున్నాయి.
543 స్థానాలున్న లోక్‌సభలో మంగళవారం బీజేపీ 240 సీట్లు గెలుచుకొని అతిపెద్ద పార్టీగా అవతరించింది. దాని ఇతర మిత్రపక్షాల మద్దతుతో, బీజేపీ నేతృత్వంలోని నేషనల్ డెమోక్రటిక్ అలయన్స్ (ఎన్‌డీఏ) 272 మెజారిటీ మార్కుకు దాటి 292కు చేరుకుంది. బీజేపీ నేతృత్వంలోని ఎన్‌డీఏ కూటమి సాధారణ మెజారిటీని సాధించగలిగిన తర్వాత అనేక మంది దేశాధినేతలు, వివిధ రంగాలకు చెందిన నాయకులు మోడీని అభినందించారు.
ఇజ్రాయెల్ ప్రధాని బెంజమిన్ నెతన్యాహు వరుసగా మూడోసారి ఎన్నికైనందుకు మోడీకి అభినందనలు తెలిపారు. ‘భారత్, ఇజ్రాయెల్ మధ్య స్నేహం కొత్త శిఖరాలకు ఎదుగుతూనే ఉంటుంది. బధాయి హో’ అన్నాడు.
I extend my warmest congratulations to Prime Minister Narendra Modi on being reelected for a third consecutive term.
May the friendship between India and Israel continue to surge towards new heights. Badhaai Ho !— Benjamin Netanyahu – בנימין נתניהו (@netanyahu) June 5, 2024
భారత పార్లమెంటరీ ఎన్నికల్లో వరుసగా మూడో విజయం సాధించినందుకు ఉక్రెయిన్ అధ్యక్షుడు వోలోడిమిర్ జెలెన్స్కీ కూడా మోదీకి, బీజేపీ నేతృత్వంలోని NDAకి అభినందనలు తెలిపారు. ‘నేను భారతదేశ ప్రజలకు శాంతి మరియు శ్రేయస్సును కోరుకుంటున్నానుజ మా దేశాల మధ్య సహకారం కొనసాగాలని నేను ఆశిస్తున్నాను. భారతదేశం, ఉక్రెయిన్ ఉమ్మడి విలువలు, గొప్ప చరిత్రను పంచుకుంటాయి. మా భాగస్వామ్యం అభివృద్ధి చెందుతూ, మన దేశాలకు పురోగతి, పరస్పర అవగాహనను తీసుకురావాలి’ అని ఆయన అన్నారు.
అంతకు ముందు మంగళవారం (జూన్ 4) శ్రీలంక, నేపాల్, మాల్దీవులతో సహా దక్షిణాసియాకు చెందిన పలువురు నాయకులు మోడీకి శుభాకాంక్షలు తెలిపారు. ఇటలీ ప్రధాని జార్జియా మెలోనీ మోడీని అభినందించారు. ఇటలీ, భారతదేశం మధ్య సంబంధాలను మరింత బలోపేతం చేసేందుకు భారత ప్రభుత్వంతో కలిసి పని చేస్తూనే ఉంటానని ఆమె అన్నారు.
‘ఎన్నికల విజయంపై మోడీకి అభినందనలు, ఇటలీ, భారతదేశానికి స్నేహాన్ని బలోపేతం చేసేందుకు మన దేశాలు, మన ప్రజల శ్రేయస్సు కోసం మేము కలిసి పని చేస్తూనే ఉంటాం’ అని మెలోని చెప్పారు.
Thank you for your kind wishes PM @GiorgiaMeloni. We remain committed to deepening India-Italy strategic partnership which is underpinned by shared values and interests. Looking forward to working together for global good. https://t.co/Qe7sFoASfg
— Narendra Modi (@narendramodi) June 5, 2024