Vijay Devarakonda : విజయ్ దేవరకొండకు ఈ మూవీ అయినా కలిసొచ్చేనా

Vijay Devarakonda

Vijay Devarakonda : విజయ్ దేవరకొండ ప్రస్తుతం ప్లాప్ తో గడ్డు కాలం ఎదుర్కొంటున్నారు. విజయ్  నటించిన ఫ్యామిలీ స్టార్ ప్రేక్షకులను ఆకట్టుకోలేకపోయింది. ఖుషీతో విజయాన్ని అందుకున్న విజయ్ తర్వాత వచ్చిన ఫ్యామిలీ స్టార్ సినిమాపై బాగానే అంచనాలు పెట్టుకున్నాడు. కానీ దాన్ని రీచ్ కాలేకపోయాడు. పరమేశ్వరన్ దర్శకత్వం వహించిన ఈ మూవీ కోసం విజయ్ చాలా వరకు ప్రమోషన్లు కూడా చేశాడు. అయినా దాన్ని రీచ్ కాలేకపోయాడు.

ప్రస్తుతం గౌతమ్ తిన్ననూరితో సితార బ్యానర్ లో ఓ భారీ బడ్జెట్ మూవీ  చేస్తున్నాడు. ఈ సినిమా లో అసలు పాటలు ఉండవని, కేవలం బ్యాక్ గ్రౌండ్ మ్యూజిక్ తో సినిమాను నడిపిస్తారని  టాక్.  తెలుగు సినిమాలో ఆరు పాటలు, నాలుగు డ్యాన్స్ లు ఉంటేనే ఆదరిస్తారు.  ముఖ్యంగా డ్యాన్స్ కు విపరీతమైన క్రేజ్ ఉంటుంది. సంగీతానికి, డ్యాన్స్ కు ప్రత్యేకమైన ఫ్యాన్స్ ఉన్నారు. అలాంటిది విజయ్ ఈ మూవీలో పాటలు ఉండవని ప్రచారం జరుగుతోంది.  ఇది ఎంత వరకు నిజమనేది పక్కన పెడితే ప్రస్తుత సినిమాల్లో పాటలే కొంతవరకు జీవం పోస్తున్నాయి.

అయితే అనిరుధ్ లాంటి మంచి యువ సంగీత టెక్నిషియన్ ను పెట్టుకుని ఇలా పాటలు లేకుండా చేయడమేంటని అందరూ చర్చించుకుంటున్నారు. ఇప్పటి వరకు విజయ్ దేవరకొండ సినిమాల్లో అన్ని పాటలు బాగానే ఉండేవి. లైగర్ సినిమాలో కూడా ఒక పాట రచ్చరేపింది. ఫెయిల్ అయిన సినిమాలను కూడా ప్రేక్షకులు పాటల ద్వారా గుర్తుపెట్టుకుంటారు. రామ్ చరణ్ హిరోగా  ఆరెంజ్ సినిమా ఫెయిల్ అయింది. కానీ పాటల పరంగా ఓ సంచలనం. మరి తెలుగు సినిమాల్లో పాటలకు అంత క్రేజ్ ఉంది.

ఈ మూవీ భారీ బడ్జెట్ తో తెరకెక్కనుందనే వార్తలు వినిపిస్తున్నాయి. ఈ మూవీలో లవర్ బాయ్ పాత్ర కాకుండా సిరీయస్ రోల్ విజయ్ చేయనున్నాడని ఫిల్మ్ వర్గాల టాక్. మరి పాటలు లేకుండా విజయ్ తో సిరీయస్ పాత్రలో గౌతమ్ తిన్ననూరి మెప్పించగలడా అనేది ఇప్పుడు ప్రేక్షకుల మదిలో తొలుస్తున్న ప్రశ్న. విజయ్ కు కూడా ఒక ప్లాప్ తర్వాత మంచి సినిమా పడాలని కోరకుంటున్నాడు. ఈ సినిమాపై బోలెడన్నీ అంచనాలు పెరిగిపోయాయి.