Sandeep Reddy : ప్రభాస్, సందీప్ రెడ్డి వంగ మూవీని ఫ్యామిలీ ఆడియన్స్ ఆదరిస్తారా..? 

Sandeep Reddy : సందీప్ రెడ్డి వంగ, ప్రభాస్ కాంబినేషన్ లో  స్పిరిట్ మూవీ తెరకెక్కబోతున్న విషయం తెలిసిందే. దీని గురించి అందరి సమక్షంలోనే సందీప్ రెడ్డి వంగ అనౌన్స్ మెంట్ కూడా చేశాడు. అయితే ప్రభాస్ ఇప్పటికే పాన్ ఇండియా స్టార్ హీరోగా కొనసాగుతున్నాడు.

బాహుబలి, బాహుబలి 2, సలార్ సినిమాలతో పాన్ ఇండియా స్టార్ గా ఎదిగిపోయాడు. ఇవే కాకుండా రాధేశ్యాం, సాహో లాంటి భారీ బడ్జెట్ చిత్రాలు ఎంతో ఆకట్టుకున్నాయి. మంచి కలెక్షన్లు కూడా సాధించాయి. ప్రభాస్ అంటేనే ఆ సినిమాకు 1000 కోట్ల కలెక్షన్లు వస్తాయని అంచనా వేసే వరకు ప్రభాస్ ఎదిగిపోయాడు. కానీ ఎక్కడా కూడా ప్రభాస్ వల్గర్, బోల్డ్ కంటెంట్ ఉన్న చిత్రాలు చేయలేదు. ఒక్క డైలాగ్ కూడా అలా ఆయన సినిమాల్లో ఉండదు.

కానీ సందీప్ రెడ్డి వంగ అనగానే బోల్డ్ కంటెంట్ సీన్లు, రొమాన్స్ చిత్రాలు ఇలా ఒక్కో రకంగా ఉంటాయి. వీటికి ప్రత్యేకమైన ఫ్యాన్స్ ఫాలోయింగ్ ఉంది. ఇలా ప్రత్యేకమైన ఫ్యాన్స్ ఫాలోయింగ్ ను ఆయన బోల్డ్ కంటెంట్ డైలాగ్ లతో నింపేస్తుంటారు. ఇలా బోల్డ్ డైలాగ్స్ ప్రభాస్ కు సెట్ అవుతాయా? ప్రభాస్ ఫ్యాన్స్ ఒప్పుకుంటారా? ప్రభాస్ ఫ్యాన్స్ సినిమాలను చాలా మంది లేడీస్ కూడా చూస్తుంటారు. మహిళ లోకం ఎక్కువగా ఆదరించే అవకాశం ఉంటుంది.

మరి సందీప్ రెడ్డి వంగా ఇప్పటి వరకు తీసిన చిత్రాలు చాలా బోల్డ్ కంటెంట్ తో ఉన్నాయి. మరి ప్రభాస్ తో ఆయన తీయబోయే సినిమా ఎలా ఉండనుంది. అర్జున్ రెడ్డి, యానిమల్ లాంటి మూవీల్లో మరి బోల్డ్ కంటెంట్ అందించిన సందీప్ రెడ్డి వంగ. స్పిరిట్ మూవీలో ప్రభాస్ కోసం ప్రత్యేకంగా ఏం చేయనున్నాడు. బోల్డ్ కంటెంట్ లేకుండా ఇప్పటి వరకు సినిమా తీయని సందీప్ రెడ్డి ఎలా సినిమా తీస్తాడు అనే సందేహం ప్రభాస్ ఫ్యాన్స్ లో నెలకొంది.