Mahesh Babu – Rajamouli
Mahesh Babu : ప్రపంచ సినిమాకు తెలుగు సినిమా సత్తా ఏంటో చూపిన దర్శకుడు రాజమౌళి. ఆయనతో సినిమా చేసిన ప్రతీ హీరోకు పాన్ ఇండియన్ లెవల్లోనే కాదు వరల్డ్ వైడ్ గా ఫేమ్ వస్తుందనడంలో డౌటే లేదు. ప్రభాస్, రామ్ చరణ్, ఎన్టీఆర్..ఈ ముగ్గురు హీరోలకు వచ్చిన ఫ్యాన్ ఫాలోయింగ్ అంతా ఇంతా కాదు. ప్రభాస్ వరుస పాన్ ఇండియన్ మూవీలతో దూసుకెళ్తున్న విషయం తెలిసిందే. ఇక ఎన్టీఆర్ దేవరతో, రామ్ చరణ్ గేమ్ ఛేంజర్ తో రాబోతున్నారు. ఇక ఇప్పుడు మహేశ్ తో రాబోతున్నాడు జక్కన్న. ఈ మూవీపై ఇప్పటికే ఎన్నో అంచనాలు ఉన్నాయి. మూవీ షూటింగ్ స్టార్ట్ కాకముందు నుంచే ఈ మూవీపై ఇప్పటికే ఎన్నో గాసిప్స్ వైరల్ అవుతున్నాయి.
వాస్తవానికి ఈ మూవీ గురించి ఇప్పటిదాక జక్కన్న..మహేశ్ పేరు తప్ప ఏ సమాచారం ఇవ్వలేదు. దీంతో ఈ సినిమా అప్ డేట్స్ ఎప్పుడొస్తాయా అని మహేశ్ ఫ్యాన్స్ వేయి కళ్లతో ఎదురు చూస్తున్నారు. రీసెంట్ గా మహేశ్ తన ఫ్యామిలీతో కలిసి ఫారిన్ కు విహార యాత్రకు వెళ్లి ఎయిర్ పోర్ట్ నుంచి బయటకు వస్తున్న ఫొటోలు వైరల్ గా మారాయి. అందులో మహేశ్ పొడవైన జుట్టుతో, గుబురు గడ్డంతో తలపై క్యాప్ పెట్టుకుని కనిపించారు. రాజమౌళి మూవీలోని పాత్ర గురించే ఆయన సిద్ధమవుతున్నారని వార్తలు వచ్చాయి.
అయితే ఈ మూవీలో మహేశ్ లుక్ అదిరిపోతుందట. ఈ సినిమా కథ ఏంటో, హీరోయిన్ ఎవరు? మిగతా పాత్రల్లో ఎవరు నటించబోతున్నారు? అనే విషయాలపై తీవ్ర ఆసక్తి నెలకొని ఉంది. రాజమౌళి తన కొత్త సినిమా మొదలుపెట్టేముందే కథను ప్రెస్ మీట్ పెట్టి మరి వివరిస్తారు. దీంతో అందరూ రాజమౌళి ఇచ్చే అప్ డేట్ కోసం ఎదురు చూస్తున్నారు. ఆగస్టు 9న మహేశ్ బర్త్ డే సందర్భంగా రాజమౌళి ఈ సినిమా విశేషాలు చెప్పేస్తారా? అనే చర్చ సోషల్ మీడియాలో నడుస్తోంది.