Raayan : ‘రాయన్’తో ధనుష్ కోలివుడ్ కు ప్రాణం పోస్తాడా?

Raayan

Raayan : ఈ ఏడాది ప్రారంభం నుంచి తమిళ ఇండస్ట్రీ కొంచెం ఒడిదుడుకుల మధ్య కొనసాగుతున్నట్లు కనిపిస్తుంది. ఆశించినంత పెద్ద హిట్లు ఏవీ కూడా రాలేదు. ఒకటి రెండు కొంత కలెక్షన్లను దక్కించుకున్న ఓకే అనే పెదవి విరుపుతో ఆడియన్స్ రివ్యూలు ఇచ్చారు. ఈ నేపథ్యంలో రాబోయే చిత్రం ‘రాయన్’పై తమిళ ఇండస్ట్రీ భారీగా ఆశలు పెట్టుకుంది. ధనుష్ కెరీర్ లో 50వ చిత్రంగా తెరకెక్కుతున్న ఈ సినిమాకు ఆయనే స్వయంగా దర్శకత్వం వహిస్తున్నారు. ట్రైలర్, ప్రమోషనల్ కంటెంట్ సినిమాపై కొంత బజ్ క్రియేట్ చేశాయి.

‘భారతీయుడు 2’ పరాజయం తర్వాత తమిళ ఇండస్ట్రీ షాక్ లోనే ఉండిపోయింది. తమిళ డిస్ట్రిబ్యూటర్లకు, ఎగ్జిబిటర్లకు ‘రాయన్’ రక్షకుడిగా నిలుస్తుందని వారు ఆశించారు. ఇక రాయన్ సక్సెస్ కీలకం అయిన మరో వ్యక్తి సందీప్ కిషన్. మంచి నటుడిగా గుర్తింపు సంపాదించుకున్న సరైన సక్సెస్ కోసం కష్టపడుతున్నాడు ధనుష్. ఆయన తన ప్రయత్నాలు చేస్తున్నప్పటికీ ఫలితాలు మాత్రం ఆయనకు అనుకూలంగా ఉండడం లేదు.

రీసెంట్ గా జరిగిన ప్రీ రిలీజ్ ఈవెంట్ లో సందీప్ మాట్లాడుతూ నటుడిగా రాయన్ లో తను సాధించిన ఘనతను చూసి తెలుగు ప్రజలు గర్వపడతారని అన్నారు. స్ట్రెయిట్ తెలుగు సినిమాలతో ఈ మధ్య కాలంలో సాధించలేనిది డబ్బింగ్ సినిమాతో సాధిస్తాడని ఆశిద్దాం.

తమిళనాట రాయన్ ముందస్తు బుకింగ్ ట్రెండ్ ఆశాజనకంగానే కనిపిస్తోంది. ధనుష్ బిగ్గెస్ట్ ఓపెనింగ్ గా మారేందుకు ఈ సినిమా తో అవకాశం ఉందని సూచిస్తుంది. చూడాలి మరి ఈ సినిమా ధనుష్, సందీప్ కిషన్ ఇద్దరికీ ఊపు తెస్తుందేమో.