lancham
lancham : భార్య అవినీతిని భర్త బయటపెట్టిన ఘటన రంగారెడ్డిలో చోటుచేసుకుంది. వివరాల్లోకి వెళితే.. రంగారెడ్డి జిల్లా మణికొండ మున్సిపల్ డీఈఈ దివ్య జ్యోతి లంచం తీసుకుంటున్నట్లు తన భర్త శ్రీపాద్ ఏసీబీకి సమాచారం అందించారు. వేధింపులు భరించలేక భార్యకు విడాకులు ఇచ్చిన భర్త.. ఆమె అవినీతిని బయటపెట్టాడు. భార్య లేని సమయంలో ఇంట్లో ఉన్న నోట్ల కట్టలను భర్త వీడియో తీశాడు. భార్య దివ్యజ్యోతి రోజూ లక్షల్లో లంచాలు తెచ్చి ఇంట్లో ఎక్కడ పెట్టుకుంటుందో కూడా భర్త వెల్లడించాడు.
ఆమె ఇంట్లో నోట్ల కట్టలు ఉంచే అన్ని ప్రదేశాలను వీడియో తీశాడు. అక్రమ డబ్బు వద్దు అని భర్త ఎన్నిసార్లు చెప్పినా వినలేదని, విసుగు చెంది విడాకులు తీసుకున్నానని శ్రీపాద్ తెలిపాడు. ఇంట్లో మొత్తం రూ.70 లక్షల వరకు ఉంటుందని ఆమె భర్త ఆరోపించాడు. లంచం డబ్బును తన సోదరుడికి అక్రమంగా డబ్బులు తీసుకోవడం తప్పని చెబితే తిట్టారని అన్నారు. భార్య మారకపోవడంతో ఆమె అవినీతిని ఆధారాలతో సహా మీడియా ముందు బట్టబయలు చేశాడు.