Gunturukaram Movie
Gunturukaram Movie : సంక్రాంతి సినిమా అంటేనే థియేటర్లకు జనాలు పోటెత్తుతారు. అందుకే అగ్రహీరోలతో పాటు చిన్న హీరోలు కూడా సంక్రాంతికి రిలీజ్ చేయాలని భావిస్తూ ఉంటారు. ఇక ఈ సంక్రాంతికి నాలుగు పెద్ద సినిమాలు వస్తుండడంతో థియేటర్లు పండుగ శోభతో కళకళలాడనున్నాయి. సంక్రాంతి బరిలో దిగుతామని ముందు నుంచి చెప్పుకుంటూ వస్తున్న ‘గుంటూరు కారం’ మూవీ.. ఈ సీజన్ లో మోస్ట్ ఎవైటెడ్ మూవీ అనే చెప్పవచ్చు. మిగతా సినిమాల కన్నా ఈ మూవీకే థియేటర్లు ఎక్కువగా బుక్ అయిపోయాయి. మహేశ్ బాబు, త్రివిక్రమ్ కాంబినేషన్ లో వస్తున్న మూవీ కావడంతో దీనిపై భారీ అంచనాలు నెలకొన్నాయి.
అయితే ఈ సినిమాకు ప్రమోషన్లు, ఇంటర్వ్యూ గట్రా ఏం చేయకపోవడంపై సినీ అభిమానులు నిరాశ చెందుతున్నారు. ఇటీవల ప్రిరిలీజ్ భారీగానే చేశారనుకోండి.. కానీ మిగతా ప్రమోషన్ల సందడి ఎందుకు చేయలేదని అనుమానాలు తలెత్తుతున్నాయి. సినిమా మరింత బ్లాక్ బస్టర్ కావాలంటే అవి కూడా అవసరమే కదా.. ఇలా ఎందుకు చేశారని సందేహాలు లేవనెత్తుతున్నారు.
దీనిపై మహేశ్, త్రివిక్రమ్ కూడా స్పందించడం లేదు. గత సినిమాలకు మహేశ్ ఎంతో సందడి చేసేవాడు. బోలెడన్నీ ఇంటర్వ్యూ ల్లో పాల్గొని ఆడియన్స్ లో సినిమాపై అంచనాలు పెంచేవాడు. కానీ ఈసారి మొన్న ఈవెంట్ లోనే మాట్లాడాడు అంతే. ఇక త్రివిక్రమ్ లో ప్రొఫైల్ మెయింటెన్ చేస్తున్నాడు. నిర్మాత నాగవంశీ నెలల కిందటే సినిమాపై అభిమానులకు ఓ రేంజ్ లో ఎలివేషన్లు ఇచ్చారు. ఇప్పుడు ఆయన కూడా అందుబాటులో లేరు.
కాగా, సినిమా విడుదలకు సంబంధించి.. థియేటర్లు, బిజినెస్ ఒత్తిళ్లతోనే నాగవంశీ బయటకు రావడం లేదని తెలుస్తోంది. అందుకే చానల్స్, వెబ్ సైట్లకు దూరంగా ఉంటున్నారని సమాచారం. ‘మ్యాడ్’ లాంటి చిన్న సినిమాకే ఎంతో హడావిడి చేసిన నాగవంశీ.. మహేశ్ సినిమాకు సైలంట్ గా మారిపోయాడని టాక్ వస్తున్నా.. సినిమా బ్లాక్ బస్టర్ ఖాయమనే ధీమాతోనే సినిమా విడుదల పనుల్లో ఉన్నారట.
సినిమా విడుదలై బ్లాక్ బస్టర్ టాక్ రాగానే.. ఇక అందరితో కలిసి సక్సెస్ మీట్లు, ఇంటర్వ్యూలు పెట్టి సంక్రాంతి పండుగ వేళ అందరినీ అలరించనున్నారని చెబుతున్నారు. అయితే వెంకటరమణారెడ్డి(మహేశ్ పాత్ర పేరు) ఫస్ట్ డే రికార్డులను వేటాడే పనిలో పడ్డాడని చెబుతున్నారు. అన్ని ఏరియాల్లో రికార్డు స్థాయిలో షోలు పడుతున్నాయి. డే వన్ కలెక్షన్లు అందరికీ షాక్ ఇవ్వనున్నాయని చెబుతున్నారు.