Rashmi : రష్మీకి సుడిగాలి సుధీర్ పై అంత నమ్మకం ఏంటో? ఫోన్ కాల్ వీడియో వైరల్!

Rashmi

Rashmi Goutam : సుడిగాలి సుధీర్, యాంకర్ రష్మీ.. వీరిద్దరూ టీవీలో ఒక చోట కనిపిస్తే కావాల్సినంత వినోదం. అదే జంట బయట కనిపిస్తే  డిజిటల్ మీడియాకు కావాల్సినంత మసాలా దొరికినట్లే. ఇప్పుడు వీరిద్దరికి సంబంధించిన ఓ వీడియో వైరల్ అవుతున్నది.

సుడిగాలి సుధీర్ బతుకదెరువు కోసం మెజీషియన్ గా కెరీర్ ప్రారంభించి, నానా కష్టాలు పడి జబర్దస్త్ లో అవకాశం దక్కించుకున్నాడు. ఇక అక్కడి నుంచి సుధీర్ కాస్త సుడిగాలి సుధీర్ గా బుల్లి తెరను ఏలుతున్నాడు. కమెడియన్ గా, హోస్ట్ గా తన దైన శైలిలో రాణిస్తున్నాడు. ఇటీవల సోలో హీరోగా రెండు మూడు సినిమాలు కూడా చేశాడు. ఇక రష్మీ గౌతమ్ వచ్చిన చిన్న చిన్న పాత్రలను సైతం వినియోగించుకుంటూ తానేందో నిరూపించుకుంది. స్టార్ యాంకర్ గా, హోస్ట్ గా బుల్లి తెరపై సందడి చేస్తున్నది. ఇక బుల్లి తెరపై సుధీర్, రష్మీ పెయిర్ కు మంచి పేరుంది. వీరిద్దరూ సింగిల్ ఫ్రేమ్ లో కనిపించారంటే వినోదానికి కొదువే లేదు.

శ్రీదేవి డ్రామా కంపెనీ ఎపిసోడ్ లో వీరిద్దరి మధ్య ఓ ఆసక్తికర సంఘటన చోటుచేసుకుంది. ఈ ఎపిసోడ్ లో అందరి ఫోన్లు ఒకచోట పెట్టి అందులో నుంచి కొన్ని ఫోన్లు తీస్తారు.  ఆ ఫోన్ కు సంబంధించివారు ఎవరికైనా సరే అర్జెంటుగా రూ.10వేలు పంపించాలనేది షోలో మెయిన్ టాస్క్. ముందుగా కమెడియన్ బుల్లెట్ భాస్కర్ తన తండ్రికి ఫోన్ చేసి డబ్బులు అడుగుతాడు. అంతే తర్వాత మాట్లాడదామంటూ వెంటనే కాల్ కట్ చేస్తాడు. రష్మీ వంతు రాగానే  సుడిగాలి సుధీర్ కు ఫోన్ చేసి రూ.10వేలు కావాలని అడుగు అంటూ కమెడియన్ హైపర్ ఆది సలహా ఇవ్వగా, రష్మీ వెంటనే కాల్ చేస్తుంది. తనకు వెంటనే రూ.10వేలు కావాలంటుంది. గూగుల్ పే ఉందా ఈ ఫోన్ కు అంటూ సుధీర్ ఫోన్ కట్ చేసేలోపు అడిగిన డబ్బులు పంపించేస్తాడు. ప్రస్తుతం ప్రోమో సోషల్ మీడియాలో వైరల్ అవుతున్నది.