JrNTR:కేజీఎఫ్ ఫ్రాంఛైజీ చిత్రాల‌తో ప్రశాంత్ నీల్ పేరు ప్ర‌పంచ‌వ్యాప్తంగా మార్మోగింది. చాలా హాలీవుడ్ సినిమాల కంటే మెరుగ్గా ఈ సినిమాని తెర‌కెక్కించ‌డంలో ప్రశాంత్ నీల్ విజ‌య‌వం సాధించాడు. ఇప్పుడు ప్ర‌భాస్ తో స‌లార్ లాంటి భారీ యాక్షన్ ఎంట‌ర్ టైన‌ర్ ని తెర‌కెక్కించి తన స్థాయిని మ‌రింత పెంచుకున్నాడు. స‌లార్ బాక్సాఫీస్ వ‌ద్ద అసాధార‌ణ వసూళ్ల‌ను సాధిస్తోందని ట్రేడ్ చెబుతోంది. ఎన్నో ప్ర‌తికూల ప‌రిస్థితులు ఉన్నా కానీ స‌లార్ దూకుడును మాస్ లో ఆప‌లేని ప‌రిస్థితి ఉంది.
ప్రశాంత్ నీల్ లార్జ‌ర్ దేన్ లైఫ్ పాత్ర‌ల‌తో అద్భుతాలు చేయ‌గ‌ల‌డ‌ని మ‌రోసారి ప్రూవ్ అయింది. స‌లార్ లో ప్ర‌భాస్ ని అత‌డు ఎలివేట్ చేసిన తీరు అద్భుతం అన్న టాక్ వ‌చ్చింది. ఇక శాండల్‌వుడ్‌లో ఆయన దర్శకత్వం వహించిన తొలి చిత్రం ఉగ్రం బిగ్ బ్లాక్ బ‌స్ట‌ర్. కేజీఎఫ్ ఫ్రాంచైజీతో అత‌డి స్థాయి మ‌రింత పెరిగి, ఇప్పుడు స‌లార్ తో ఇండియాలోనే మోస్ట్ అవైటెడ్ డైరెక్ట‌ర్ల జాబితాలో చేరాడు.
స‌లార్ తో ప్ర‌భాస్ కి పెద్ద హిట్టిచ్చాడు. దీంతో ఇప్పుడు యంగ్ టైగ‌ర్ ఎన్టీఆర్ తో ప్రశాంత్ నీల్ సినిమా లాంచింగ్ ఎప్పుడు? అంటూ అభిమానులు ఆస‌క్తిగా ఉన్నారు. నీల్ తదుపరి ప్రాజెక్ట్ టైటిల్ తాత్కాలికంగా ఎన్టీఆర్ 31. ఈ సినిమాలో తార‌క్ ని ఏ రేంజులో ఎలివేట్ చేస్తాడో వేచి చూడాలి.
ఎన్టీఆర్ 31 చిత్రాన్ని మే 2024లో లాంచ్ చేస్తారని, రెగ్యులర్ షూట్ 2024 ఆగస్టు లేదా సెప్టెంబర్‌లో ప్రారంభం కావచ్చని ఫిల్మ్ సర్కిల్స్‌లో పుకారు వినిపిస్తోంది. అయితే అధికారిక స‌మాచారం అందాల్సి ఉంది. ఎన్టీఆర్ ప్రస్తుతం దేవర సినిమాతో బిజీగా ఉన్నాడు. అది పూర్తయిన తర్వాత తన బాలీవుడ్ డెబ్యూ ప్రాజెక్ట్ వార్ 2 షూటింగ్‌ను ప్రారంభించనున్నాడు. వార్2 చిత్రీక‌ర‌ణ‌లో ఉండ‌గానే, ఎన్టీఆర్ తో సినిమాని ప్రశాంత్ నీల్ తెర‌కెక్కించే వీలుంద‌ని తెలిసింది.