Balayya : ఇండస్ట్రీలోకి బాలయ్య వారసుడు.. దర్శకుడు ఎవరంటే?

Balayya – Mokshagna

Balayya : తెలుగు ఇండస్ట్రీని ఇప్పుడు వారసులు ఏలుతున్నారు. హీరోలుగా, ప్రొడ్యూసర్లుగా సైతం విభిన్న పాత్రలు పోషిస్తున్నారు. వీరే కాదు ప్రతి నాయకుల వారసులు కూడా ఇండస్ట్రీలో మంచి ఫామ్ లోనే ఉన్నారు. దీనికి ఉదాహరణ రావుగోపాల్ రావు కొడుకు రావు రమేశ్. విలనే కాదు ఎలాంటి పాత్రలు పోషించడంలోనైనా ధిట్ట రావు రమేశ్.

ఇక ఇండస్ట్రీలో స్టార్ హీరోలైన చిరంజీవి, బాలకృష్ణ, నాగార్జున, వెంకటేశ్ లలో చిరంజీవి కొడుకు రామ్ చరణ్ విభిన్న పాత్రలు పోషిస్తున్నాడు. అటు హీరోగా ఇటు నిర్మాతగా ఉన్నాడు. నాగార్జున ఇద్దరు కొడుకులు కూడా ఇండస్ట్రీలో ఉన్నారు. ఒకరు పాతుకుపోగా.. మరొకరు మంచి సక్సెస్ కోసం ఎదురు చూస్తున్నారు. ఇక వెంకటేశ్ కు కొడుకులు లేకపోగా కూతుళ్లు మాత్రం వివిధ రంగాల్లో కొనసాగుతున్నారు. ఇక బాలయ్య బాబును తీసుకుంటే కూతరును నారా లోకేశ్ కు ఇచ్చాడు. కొడుకును ఇండస్ట్రీలోకి తీసుకురావాలని అనుకుంటున్నాడు. దీనికి సరైన సినిమా కోసం ఎదురు చూస్తున్నాడు.

బాలయ్య బాబు కొడుకు మోక్షజ్ఞ. గతంలో తనకు ‘ఆదిత్య 369’ సీక్వెల్ తీయాలని ఉందని ప్రకటించారు బాలయ్య బాబు. ఆ సినిమాతో కొత్త హీరో మీ ముందుకు రాబోతున్నాడు అని కూడా చెప్పాడు. బాలయ్య వ్యాఖ్యలతో ఆయన ఎవరనేది అంతా ఊహించుకున్నారు. ఇక తర్వాత ఆ ఊసే లేదు. మధ్యలో ఒకటి, రెండు సార్లు మీడియా జర్నలిస్ట్ లు ప్రశ్నించినా పెద్దగా పట్టించుకోలేదు.

అయితే ఇటీవల హను-మాన్ తో భారీ హిట్ కొట్టిన ప్రశాంత్ వర్మ డైరెక్షన్ లో  మోక్షజ్ఞను ఇండస్ట్రీలోకి తీసుకురావాలని కోరుకుంటున్నాడని టాలీవుడ్ సర్కిల్ లో టాక్ వినిపిస్తోంది. దీనికి కూడా ఎంతో టైం లేదని ఈ ఏడాదిలోనే అనౌన్స్ మెంట్ కూడా ఉండబోతుందని ఇండస్ట్రీ అనుకుంటోంది. మోక్షజ్ఞ తండ్రి వరుస హిట్లతో దూసుకుపోతుండగా.. కొడుకు ఎంట్రీ ఎప్పుడా? అని ఫ్యాన్స్ ఆతృతగా ఎదురు చూస్తున్నారు.