Hanuman : ‘హనుమాన్’ చిత్రం ఆంజనేయస్వామి గా కనిపించింది ఆ హీరోనా..? ఎవ్వరూ గుర్తించలేదుగా!

Hanuman

Hanuman : నిన్న భారీ అంచనాల నడుమ విడుదలైన ‘హనుమాన్’ చిత్రం బాక్స్ ఆఫీస్ వద్ద అద్భుతమైన పాజిటివ్ టాక్ ని సొంతం చేసుకొని కలెక్షన్ల సునామి ని సృష్టిస్తూ ముందుకు దూసుకుపోతున్న సంగతి తెలిసిందే. కేవలం మొదటి రోజే ఈ సినిమా 50 శాతం కి పైగా రికవరీ చేసింది అంటూ ట్రేడ్ పండితులు చెప్తున్నారు. టికెట్స్ కి డిమాండ్ విపరీతంగా పెరిగిపోవడం తో రెండు తెలుగు రాష్ట్రాల్లో థియేటర్స్ సంఖ్య బాగా పెంచేశారు.

హైదరాబాద్ వంటి ప్రాంతాలలో రెండు మూడు రోజుల వరకు టికెట్స్ దొరకని పరిస్థితి ఏర్పడింది. ఈ సినిమాకి వస్తున్న హెవీ రిటర్న్స్ తో మిగిలిన సంక్రాంతి సినిమాలు కూడా బ్రతికేస్తున్నాయి అంటే ఏ రేంజ్ బ్లాక్ బస్టర్ గా నిల్చిందో అర్థం చేసుకోవచ్చు. ఇకపోతే ఈ సినిమా చూసిన ప్రతీ ఒక్కరికి ఇందులో హనుమాన్ గా ఎవరు నటించారు అనేది తెలియలేదు. సినిమా విడుదలకు ముందు ఆ కళ్ళను చూసి కచ్చితంగా ఇవి చిరంజీవి కళ్ళే అని అన్నారు.

కానీ అలాంటిది ఏమి లేదంటూ డైరెక్టర్ ప్రశాంత్ వర్మ ఇంటర్వ్యూస్ లో క్లారిటీ ఇచ్చాడు. అయితే ఈ క్యారక్టర్ ని ఎవరు చేసారు అని ఆరా తియ్యగా, అది దగ్గుపాటి రానా అని తెలిసింది. రానా ఈ చిత్రం కోసం వారం రోజుల డేట్స్ ని అప్పట్లో కేటాయించాడట. ఆ వారం రోజుల్లోనే అతని పాత్రకి సంబంధించిన చిత్రీకరణ మొత్తం పూర్తి చేశారట. విడుదలకు ముందు ఈ సినిమా ముంబై ఈవెంట్ కి రానా ముఖ్య అతిథిగా హాజరైనప్పుడు ఎవ్వరూ ఈ విషయాన్నీ ఊహించలేకపోయారు. డైరెక్టర్ ప్రశాంత్ వర్మ పిలిచాడు కాబట్టి అతిథిగా వచ్చి నాలుగు మాటలు మాట్లాడి వెళ్ళిపోయాడు అని అనుకున్నారే కానీ, ఈ సినిమాలో హనుమాన్ క్యారక్టర్ చేసాడని మాత్రం ఎవ్వరూ ఊహించలేకపోయారు.

ఈ విషయం తెలుసుకున్న తర్వాత ఆడియన్స్ కూడా థ్రిల్ కి గురి అయ్యారు. ఈ హనుమాన్ పాత్రకు రానా తప్ప ఎవ్వరూ న్యాయం చెయ్యలేరు. ఆయన కాబట్టే ఇంత అద్భుతంగా చేసాడు అంటూ కామెంట్స్ చేస్తున్నారు. అయితే ఈ సినిమా విడుదలై ఇంత సక్సెస్ అయ్యాక రానా నుండి ఒక్క శుభాకాంక్షలు పోస్టు కూడా ట్విట్టర్ మరియు ఇంస్టాగ్రామ్ అకౌంట్స్ నుండి పడలేదు. కేవలం ఆయన బాబాయి వెంకటేష్ సినిమా కి సంబంధించి మాత్రమే శుభాకాంక్షలు తెలియచేసాడు.