Nara Lokesh : వాట్సాప్ బ్లాక్ అవుతోంది.. మెయిల్ చేయండి: మంత్రి నారా లోకేశ్

Nara Lokesh

Nara Lokesh : వాట్సాప్ బ్లాక్ అవుతూందని, ప్రజలు సమస్యలు, వినతులను ఇక నుంచి మెయిల్ చేయాలని విద్య, ఐటీశాఖ మంత్రి నారా లోకేశ్ తెలిపారు. ప్రజాసమస్యలు, వినతులను hello.lokesh@ap.gov.in కు మెయిల్ చేయాలని, తానే వాటిని పరిశీలించి పరిష్కరిస్తానని గురువారం ఓ ప్రకటనలో తెలిపారు. ‘‘నా వాట్సాప్ అకౌంట్ తరచూ బ్లాక్ అవుతోంది. అందుకే నా పర్సనల్ ఈ మెయిల్ అడ్రస్ ఇస్తున్నాను. సాయం కోసం వచ్చే ప్రజల కోసం నా ఇంటి తలుపులు ఎప్పుడూ తెరిచే ఉంటాయి’’ అని లోకేశ్ పేర్కొన్నారు. పేరు, ఊరు, మొబైల్ నంబర్, మెయిల్ ఐడీ, సమస్య, ఏ సాయం కోరుతున్నారో వినతుల్లో పేర్కొనాలని సూచించారు.

లోకేశ్ ఇప్పటికే ఉండవల్లిలోని నివాసంలో రోజూ ప్రజా దర్బార్ నిర్వహిస్తూ ప్రజల నుంచి వినతులు స్వీకరిస్తున్నారు. ఇకపై మెయిల్ ద్వారా కూడా ప్రజల ఇబ్బందులను తెలుసుకొని, పరిష్కరించనున్నారు.