Nagarjuna
Nagarjuna as Vilan Role : నాగార్జున తెలుగు ఫిల్మ్ ఇండస్ట్రీలో తనకంటూ ప్రత్యేకమైన గుర్తింపు తెచ్చుకున్నారు. ఇప్పటికే తెలుగు లో టాప్ హీరోగా ఉన్నాడు. కానీ హీరోగా కాకుండా విలన్ గా ఇప్పటి వరకు చేసింది లేదు. నాగార్జున సినిమా ఇండస్ట్రీలోకి వచ్చినప్పటి నుంచి ఇప్పటి వరకు 99 శాతం హీరో క్యారెక్టర్లే చేశారు. ప్రస్తుతం నాగార్జున సినిమాల కంటే రియాల్టీ షోలు చేస్తున్నారు. బిగ్ బాస్ షో ద్వారా చాలా సంపాదిస్తున్నారు. సినిమా కంటే బిగ్ బాస్ ద్వారానే ఎక్కువగా ఫేమస్ అవుతున్నారు.
అందుకే బిగ్ బాస్ ను నాగార్జున వదులుకోవాలని అనుకోవడం లేదు. రజినీకాంత్ హీరోగా నటిస్తున్న సినిమాలో నాగార్జున విలన్ క్యారెక్టర్ రోల్ చేస్తున్నట్లు పోస్టర్ రిలీజ్ చేశారు. దీంతో ఒక్కసారిగా అక్కినేని ఫ్యాన్స్ షాక్ అయ్యారు. అఖిల్, నాగ చైతన్యలు కూడా ఇప్పటికే ఎంతో ఇబ్బంది పడుతున్నారు. అఖిల్ కు ఇప్పటి వరకు ఒక్క హిట్ రాకపోగా.. నాగ చైతన్య తండేల్ సినిమా కోసం వెయిట్ చేస్తున్నారు.
తండేల్ సముద్ర ప్రాంతంలో ఉన్న ఒక కథను బేస్ చేసుకోని తీశారు. ఈ సినిమా గురించి నాగ చైతన్య చాలా కష్టపడ్డాడు. అఖిల్, నాగ చైతన్యలు ఇద్దరు విజయాలు లేక తల్లడిల్లుతుండటంతో నాగార్జున, అక్కినేని ఫ్యాన్స్ ఆందోళన చెందుతున్నారు. ఇన్ని సంవత్సరాలు గడిచిపోయిన తర్వాత నాగార్జున ఇప్పుడు విలన్ గా చేయడం ఏంటని అభిమానులు ప్రశ్నిస్తున్నారు.
నాగార్జున అంటేనే హీరో అని ఆయన్ని విలన్ గా ఊహించుకోవడం కష్టమేనని అంటున్నారు. మరి విలన్ గా నాగార్జున ఎలా నటిస్తారు. ఆయన ప్రేక్షకుల్ని మెప్పించగలరా.. అనే డౌట్ కలుగుతోంది. నాగార్జున తీసుకున్న ఈ నిర్ణయం సరైనది కాదని కొంతమంది అభిప్రాయపడుతున్నారు. కానీ కొంతమంది మాత్రం ఇది సరైన విషయమే అని చెబుతున్నారు. ప్రయోగాలు చేస్తేనే కదా వ్యక్తిలో దాగి ఉన్న స్కిల్స్ బయట పడేది అని అంటున్నారు.