Trivikram : త్రివిక్రమ్ నెక్ట్స్ ప్రాజెక్ట్ ఏంటి.. అసలు మాటల మాంత్రికుడు ఏం చేస్తున్నాడు?

What is Trivikram’s next project?

Trivikram : మాటల మాంత్రికుడు త్రివిక్రమ్ శ్రీనివాస్ గురించి తెలుగు సినీ ప్రియులకు పరిచయం అవసరం లేదు. నిస్సందేహంగా, అతను టాలీవుడ్ ఇండస్ట్రీకి దొరికిన వజ్రమే. కొన్ని కొన్ని సినిమాలు ఫ్లాప్ కావడం కామన్. దీన్ని బట్టి ఫెయిల్యూర్, లేదంటే స్టార్ డైరెక్టర్ అనడం కష్టం. టాలీవుడే కాదు బాలీవుడ్ లో కూడా టాప్ 10లో ఉండే రాంగోపాల్ వర్మ చాలా సినిమాలు డిజాస్టర్ గా మాగిలాయి. అయినా కూడా ఆయన టాప్ 10 డైరెక్టర్ల లిస్ట్ లో ఉంటాడు.

త్రివిక్రమ్ దర్శకత్వంలో వచ్చిన ‘గుంటూరు కారం’ ఊహించని విధంగా దెబ్బకొట్టింది. ఈ నేపథ్యంలో ప్రస్తుతం త్రివిక్రమ్ ఏం చేస్తున్నాడని ప్రశ్న ఆయన అభిమానులకు కలుగుతుంది. ఆయన తర్వాత ఎవరితో ఏ సినిమాను ప్లాన్ చేస్తున్నారని తెలుసుకోవాలని అందరికీ క్యూరియాసిటీగానే అనిపిస్తుంది. దాని గురించి తెలుసుకుందాం. స్టార్ హీరో అల్లు అర్జున్ తో త్రివిక్రమ్ ఓ సినిమా చేయబోతున్నట్లు ప్రకటించిన సంగతి తెలిసిందే. అయితే తాజాగా సినీ ఇండస్ట్రీలో జరుగుతున్న పరిణామాలు చూస్తుంటే ఇది వస్తుందా? అన్న సందేహం ప్రతీ ఒక్కరిలో కలుగుతుంది.

మహేశ్ లాంటి స్టార్ ను సమర్థవంతంగా ఉపయోగించుకోవడంలో త్రివిక్రమ్ విఫలమయ్యాడని విమర్శకులు, నెటిజన్లు అభిప్రాయపడుతున్నారు. ప్రస్తుతం పాన్ ఇండియా ఇమేజ్ పెంచుకోవాలని భావిస్తున్న అల్లు అర్జున్‌కు ఇలాంటి పరిస్థితే ఎదురవడం లేదు. అందుకని, అతను ఇతర ఎంపికలను సిద్ధం చేస్తున్నాడు. త్రివిక్రమ్ తో ప్రాజెక్ట్ ఆగిపోకపోవచ్చు కానీ ఆలస్యమయ్యే అవకాశం ఉంది.

గతంలో త్రివిక్రమ్ తో సినిమా క్యాన్సిల్ చేసుకున్న ఎన్టీఆర్ మళ్లీ ఆ దర్శకుడితో సినిమా చేసే ఆలోచనలో లేడట. మహేష్ బాబు కూడా కొన్నాళ్లు త్రివిక్రమ్ కు దూరంగా ఉండాలనే ఆలోచనలో ఉన్నాడు. రాజమౌళి సినిమా ఆయనను బిజీగా ఉంచుతుంది. రామ్ చరణ్ ఇప్పటికే రెండు ప్రాజెక్టులతో బిజీగా ఉండగా, త్రివిక్రమ్ తో సినిమా చేయడానికి పెద్ద స్టార్ ఎవరూ సిద్ధంగా లేరు. అయితే మెగాస్టార్ చిరంజీవి త్రివిక్రమ్ తో సినిమా చేసే ఆలోచనలో ఉన్నారని, కానీ అది అంత ఖచ్చితమైనది కాదని అంటున్నారు. ఈ కొత్త పరిణామాలతో త్రివిక్రమ్ శ్రీనివాస్ నెక్ట్స్ ప్రాజెక్ట్ దక్కించుకోవడం ఛాలెంజింగ్ గా కనిపిస్తోంది..